БОЛГАРСКАЯ ГӨЛСЕМ (МОСТАФИНА ӨММЕГӨЛСЕМ) МУСА КЫЗЫ

(1891–1968)

Казан шәһәрендә туа.

Беренче татар артисткаларыннан һәм татар театрына нигез салучылардан берсе, гомерен бер генә театрга багышлаган фидакарь шәхес. 1910 елдан «Сәйяр» труппасында, революциядән соң Татар академия театрында. Атаклы артистка баштагы иҗат елларында яшь кызлар, яшь хатыннар рольләрен сокландыргыч итеп уйный, соңыннан уңышлы рәвештә төрле характердагы карчык образларын башкаруга күчә.

Аның рольләре: Шәфика — «Кызганыч бала» (Н.Кәмал), Сәлимә — «Тигезсезләр» (Ф.Әмирхан), Хәмидә — «Бүләк өчен», Гөлҗиһан, Гарифә — «Банкрот», Гафифә — «Беренче театр» (Г.Камал), Кручинина — «Гаепсездән гаеплеләр», Катерина, Кабаниха — «Яшенле яңгыр», Мурзавецкая — «Бүреләр һәм сарыклар», Полина — «Төшемле урын» (А.Островский), Богаевская — «Варварлар», Бардина — «Дошманнар», Татьяна — «Мещаннар», Василиса — «Тормыш төбендә» (М.Горький), Раневская — «Чия бакчасы» (А.Чехов), Ханзафа — «Ташкыннар», Гыйльмениса — «Чаткылар», Миңсылу — «Наемщик», Кәнҗебикә — «Таймасовлар» (Т.Гыйззәт), Гөлҗамал — «Габбас Галин», Галимә — «Хаҗи әфәнде өйләнә» (Ш.Камал), Марфа Петровна — «Рус кешеләре» (К.Симонов), Мәргубә — «Тормыш җыры» (М.Әмир) һ.б.

ТАССРның хал. арт. — 1923 ел.
РСФСРның атказ. арт. — 1925 ел.