КАМАЛ ТЕАТРЫ ЯҢА МАРКЕТИНГ АДЫМНАР ЯСЫЙ

Галиәсгар Камал исемендәге Татар Дәүләт Академия театры 2009 елның февраленнән маркетинг акцияләре уздыра.

“Әти, Әни һәм мин – театраль гаилә” акциясе:

Сез спектакльгә 2-12 рәтләрдән ике билет сатып аласыз, өченче урын Сезгә чакыру билеты рәвешендә бүләк ителәчәк.

“Яшь парлар өчен” акциясе:

Сез ике спектакльгә икешәр билет (2-12 рәтләр) сатып аласыз, ә өченче спектакльгә Сезгә ике урын чакыру билетлары рәвешендә бүләк ителәчәк.

Игътибар:

Акцияләр буенча билет алырга уйласагыз, бу турыда кассирга билет алганчы әйтегез. Кассир барлык сорауларыгызга җавап бирер һәм Сезнең өчен иң җайлы вариант тәкъдим итәр.

Сүз уңаеннан:

Бу көннәрдә Камал артистлары гастрольгә чыгып китте.

23-25 гыйнварда аларны Самара халкы күрә алыр. Спектакльләр М.Горький исемендәге Рус академия театрында куелачак.

Ә 27-29 гыйнварда – Оренбургның М.Горький исемендәге Рус драма театрында.

Самара һәм Оренбург халкына Туфан Миңнуллинның “Дивана”сы, Илгиз Зәйниевнең “Люстра”сы һәм Зөлфәт Хәкимнең “Мылтыгы” тәкъдим ителәчәк.