БАРНАУЛДА ТАТАРЧА “КАРА-МЕТАЛЛ” ҖИТЕШТЕРӘЛӘР

Күптән түгел Musica Production лейблында THEOSOPHY һәм BIZARREKULT исемле блэк-метал төркемнәренең сплит-релизы чыкты. Беренчеләре инглиз телендә иҗат итсә, икенчеләре исә... татар телендә җырлый!

Блэк метал (“кара метал”) – музыкаль стиль, металның экстремаль юнәлешләренең берсе, 80нче еллар азагында барлыкка килә. Стильнең үзенчәлекле яклары – бик тиз уйнала торган гитара һәм барабаннар партияләре, җанөзгеч вокал (скриминг һәм гроулинг төрләре) һәм куркыныч сәхнә киемнәре (скандинавия яүгирләре, викинглар, өченче рейх хәрбиләренә охшатып ясалганнары да очрый). Махсус макияж корпспэйнт дип атала һәм ул артистны шайтанга я булмаса мәеткә охшату очен кулланыла. Идеологик яктан “кара метал” сатанизм, оккультизм, мәҗүсилек, скандинав халыкларының мифологиясенә килеп тоташа.

BIZARREKULT төркеме турында шул гына билгеле: алар икәү, берсе гитараларда уйный һәм җырлый, икенчесе – барабаннарда, чыгышлары белән Барнаулдан, элек DRYADOS исемле проектта катнашканнар, сүзләрен Асия исемле татар хатыны (солистның кайнанасы) иҗат итә. Төркеменең солисты Bizarr фикеренчә, татар теленең фонетик үзенчәлекләре “кара метал”да тиешле сихри эффект тудырырга ярдәм итә. Татарча җырлаганда аның тавышы түбәнрәк, үтемлерәк һәм куркынычрак яңгырый. Күпчелек тыңлаучылар өчен сүзләр аңлашылмаса да, тәнкыйтьчеләр бу төркемнең төп үзенчәлеген һәм актуальлеген нәкъ менә татар телле булуында күрә.

Курыкмасагыз, төркемнең иҗаты белән myspace.com/bizarrekult һәм vkontakte.ru/club3949218 сәхифәләрендә якынрак танышырга була.

Дессертка сезгә "Көл өстендә" дип исемпләнгән җырының сүзләрен тәкъдим итәбез:

Без картаябыз ышанычсызлыктан

Синең арыган кузләрең, синең битең

Куздән агып төшмәгән яшең

Бөтенесе дә бик якын миңа, бик таныш

hәм безңен белән янәшәдә уле бала

Аны син ашатасың, яратасың

Минем шиккеле

Кайталмаган сызлыктан мин искерәм

Уз эчемә карыйм, анда бушлык,

Биредә каралык, көрем

Көл өстендә син дә мин

Хазер минем выкыт житте

Уз баламны тарбияләргә...