|
|
Бүген кемнәр туган
|
|
Архив
|
30.07.2012 Мәдәният
Кинофестивальгә Муса Җәлил оныгы да киләчәкКазанда уздырылучы VIII Халыкара мөселман киносы фестивале быел да зур кино йолдызларын каршы алырга җыена. Фестивальне оештыручылар ышандырганча, мөселман киносы чарасына халык мәхәббәтен яулаган кызыклы һәм атаклы шәхесләр киләчәк. Фестивальгә кунаклар чакыру эшен оештыручы Альбина Нәфигова сүзләренә караганда, Советлар берлеге, Россия, Американың иҗади ресурсларын кулланып, тиңе булмаган эшләр башкаручы, үзенчәлекле шәхес Андрей Кончаловский белән уңышлы сөйләшүләр алып барыла икән. Үзенең кабатланмас таланты белән уртаклашырга дип билгеле актер Дмитрий Певцов та килергә ризалык биргән. Үзенең музыкаль проекты белән кино фестивальнең ябылу тантанасында катнашыр, дип көтелә. Быелгы кинопроектка герой-шагыйрь Муса Җәлилнең оныгы Лилиан Наврозашвили да килер дигән өмет бар. Лилиан - Казан кызы, заманында шәһәребезнең театр училищесын тәмамлаган. Бүгенге көндә Санкт-Петербургта театр һәм кино артисты булып эшли. Туган шәһәрендә оештырыла торган кинофестивальдә ул бик рәхәтләнеп катнашачагын белдерә.
--- |
Иң күп укылган
|