Балаларга – “Фатиха”

Шушы көннәрдә генә татар-мөселман балалары өчен “Фатиха” китап-календаре дөнҗя күрде.Каюм Насыйри нигез салган календарьлардан алып бүген чыгып илгәннәренә кадәр – барысы да өлкән укучылар өчен булса, бусы-балаларга һәм үсмерләргә атап чыгарылган беренче календарь.

“Максатыбыз олы – балалар күңелендә Ислам динен өйрәнүгә омтылыш һәм теләк тудыру. Динебезне өйрәенп, белеп һәм олылап үскән баладан исә югары әхлаклы, начар гамәлләрдән тыелып;игелекле эшләр кылырга тырышкан иманлы кеше үсәр” , – диелә “Фатиха”ның кереш сүзендә.Китап – календарьда бала күңеленә якын булырдай кызыклы-гыйбрәтле хикәятләр,мавыктыргыч әкиятләр, уеннар,табышмаклар бар. Балалар һәм үсмерләр календарьдардагы “Аллаһның барлыклары”, “Илаһи кодрәт”, “Белеп торыйк”, “Сорау-җавап”, “Аллаһның исемнәре” һ.б рубрикаларында динебез нигезләренә кагылышлы белемнәрен тирәнәйтә алалар.Календарьны 7 яшьтән 17 яшькә адәр балалар укырлык итеп төзелгән. Анда “Әти-әниләр өчен”  рубрика да бар. “Фатиха”ның эчтәлеге дә бай, бизәлеше дә матур. Календарьның төзүче – авторы – Татарстанның атказанган мәдәният хезмәткәре, журналист Нәсимә Садыйкова.