Данир Сабиров Гүзәл Уразованы халык алдында оялткан

"Яшь чакта кызлар артыннан йөргәндә: "Эзләдем, барлыгыңны белдем мин, Табарсың дип көттем мин", - дип җырыңны көйләп йөри идем. Ул вакытта мин үбешә генә башлаган идем әле. Инде мин картаеп киләм, ә син, Гүзәл, һаман шул килеш: матур, чибәр һәм фигураң да бозылмаган. Син кызыңнан да яшьрәк күренәсең! Чын! Менә ничек бар - шулай әйтәм инде!" – ди Данир.

 

- Алай димә инде! - ди Гүзәл кыенсынып.

 

- Кызыгыз кияүгә чыкса, киявегез "уверенно" менә болай дип җырлый алачак:

 

"Их, җаныем, шикәр-бал,

 

Хатын китсә, балдыз бар.

 

Балдыз китсә дә борчылмыйм,

 

Әбидә дә өмет бар!"

 

Бу сүзләрдән соң, залдагы халык рәхәтләнеп көлде. Гүзәл кыенсынып:

 

- Кит инде, алай димә, Аллаһ сакласын! – ди.

 

Бу видеоны Данир да, Гүзәл дә социаль челтәрләрдәге битләренә куйганнар. Данирның сүзләрен кайбер тамашачылары хурлаган, кайсы җор сүзле булуы өчен мактаган. "Бик шәп сөйләдең, сүз артыннан кесәгә кермисен! Халыкны көлдердең", "Әйтсәң - әйтәсең дә инде, Данир. Көлдереп хәлне алдың!",–  дигәннәр. Тамашачыларының кайберләре: "Сәхнәдә меңләгән кеше алдында шундый сүз сөйләмиләр инде, урынсыз бу шуткаң", "Кызыңнан яшьрәк күренәсең дип Элларияне картайтма! Алай әйтү килешми"  кебек язмалар калдырганнар.