«МАТБУГАТ.РУ»ДА «ЯКТАШЫҢНЫ ТАП» ХЕЗМӘТЕ ЭШЛИ БАШЛАДЫ

Кайсы гына татар кешесен алма, ул туган ягыннан ерак яши. Күбебез шулай. Татар кебек дөньяга сибелгән башка халык юктыр. Интернет – якташларны, милләттәшләрне табу өчен менә дигән чара. Шуларны уйлап, “Якташыңны тап” дигән хезмәт булдырырга уйладык.

«ЯКТАШЫҢНЫ ТАП»

1) Авылда туып шәһәргә күченгән кешеләр монда үз якташларын таба ала. Белгәннәрен очрата, белмәгәннәре белән таныша. Авыл хәлләрен белешеп торырга мөмкин: Сабантуй кайчан була, яңгыр яумадымы, Халисә түти нихәл анда һ.б.

2) Бу дөньяда һәр кешенең күптән күрешмәгән танышлары бар. Берәүләр сабакташларын эзли, икенчеләр бергә хезмәт иткән дусларын (“Одноклассники” һәм “В контакте”га кайнар сәлам!) һ.б. Бәлки, хәбәрсез югалган туганнарыгыз бардыр. Аларны шушында эзли аласыз. Бүген булмаса иртәгә табылулары бар.

3) Чит җирләрдә яшәүче татарларга үз милләтеннән кияү яки кәләш табу зур проблема. Шуңа күрә катнаш гаиләләр саны арта. Ә, бәлки, күрше йортыгызда гына чибәр татар кызы (егете) яшәп ятадыр? Беренче “свиданиегез” өчен “Матбугат.ру” иң романтик урын...

4) Татарстандагы һәр районның диярлек Казанда якташлар җәмгыяте бар. Әмма һәркайсы үз сайтын булдыра алмый. “Якташыңны тап” хезмәтендәге туган районыгызны үз кулыгызга алыгыз. Аралашу, күрешү, планнар кору өчен менә дигән җирлек.