"Кытайда туй иттек, мәҗлескә 800 кунак килде!"

— 2019 елның декабрендә кайткан идем. Шуннан бирле кайта алганым юк. Әүвәл локдаун башланды, аннан соң да карантинның катгый таләпләре йомшармады. 2020 елда кешеләрне йортлары белән бикләп, ишеккә пичәтле кәгазь ябыштыралар иде. Кеше үзенә кирәк ризык, дарулар исемлеген язды, дәүләт структурасы хезмәткәрләре тауарны биреп, яңадан бикләп китте. Кытайда дисциплина көчле.

— Гаиләбездә татарча аралашу гына кабул ителгән. Безнең нәселнең өченче буыны Кытай дәүләтендә туды, шунда яши. Гаиләдә 3 ир бала үстек. Әсгать һәм Вәлиулла исемле энекәшләрем бар. Әтием 40 елдан артык кытай теле укытучысы булып эшләде. Ә әнием Хәлимә башта сәүдә өлкәсендә хезмәт куйган, аннары, без тугач, өйдә генә булды.

— Айгөл белән интернеттан танышып, 2010 елда гаилә кордык. Шул ук елны Кытайда туй иттек, мәҗлескә 800 кунак килде! Айгөл — Лаеш районының Кече Елга авылы кызы.

— Бу чыннан да шулай. Кытай ир-атларының күбесе парсыз кала. Чөнки урамда танышу юк диярлек. Алар күп эшли, аз күңел ача. Ата-ана хәзер кызларына ирне кияү базары аша сайлый. Анда анкета тутырыла, егетнең матди хәле яхшы булу да зур йогынты ясый. Кытай кызларының сорашулары шул: “Үз йортың, машина бармы? Акчалы эштә эшлисеңме?” 2005 елга кадәр гаиләдә бер генә бала булырга тиеш дигән закон бар иде. Нәсел дәвамчысы туу яхшырак дип саналу сәбәпле, ир-атлар саны арткан. Хәзер ата-анага туачак баланың җенесен алдан әйтү тыела. Кытайларга ике бала табу рөхсәт ителә. Ә аз милләтле халыкка, татарга да, өч бала табарга мөмкин.