|
|
Бүген кемнәр туган
|
|
Архив
|
01.12.2022 Фаҗига
Ут кабып, бала янып үлгән машинада ир-ат та булган. Ул авыр хәлдәВолгоградта ут капкан автомобильдә өч яшьлек бала янып үлгән. Фаҗига бүген иртән Волгоград шәһәренең Совет районында булган. Бу хакта Эчке эшләр министрлыгының Волгоград өлкәсе буенча Баш идарәсе матбугат хезмәтеннән хәбәр иттеләр. Ялкын телләре йорт янындагы берьюлы дүрт автомобильне ялмап алган. Янгын аларның икесен тулысынча юк иткән, тагын икесе зыян күргән.
Фаҗига урынын тикшергән вакытта Skoda автомобилендә өч яшьлек малайның мәетенә юлыкканнар. Машинада шулай ук 53 яшьлек ир-ат та булган. Аны бик авыр хәлдә хастаханәгә озатканнар, дип яза Татар-информ.
Янгын газ таралу аркасында чыккан дип фаразлана. Skoda автомобилен тикшергән вакытта полицейскийлар ике ацетилен баллон табып алган. Бу хакта РИА Новости агентлыгы хәбәр итә.
Фото: пиксабай
--- |
Иң күп укылган
|