“Кирәкме икән?”: Гөлназ Сәфәрова кибет ача

— Дубайда булып кайттык. Анда ял итәргә дип кенә түгел, беренче чиратта эш буенча бардык. 1 ноябрьдә үз кибетемне ачам. Бу өй һәм йокы өчен киемнәр кибете булачак. “Кирәкме икән?” — дип бераз борчылам да. Заманалар авыр булса да, тырышып карарга уйладым. Мин — өй кешесе, җайлылык, уңайлылык яратам. Шуңа бу эшкә тартылдым. Кибет “Safar home” дип аталачак. Анда Төркия, Берләшкән Гарәп Әмирлекләре, Кытай — өч илдән алып кайтылган киемнәр булачак. Алга таба үзебездә тектерергә дә исәп бар. Спортка кайттым. Физик көч белән стресс та юкка чыга.