12.10.2022 Шоу-бизнес

Фидан Гафаровка бүген 75 яшь тулды

Бүген татар драма артисты, Гафури театрының әйдәүче артисты, БАССР, РСФСР, Татарстанның халык артисты, Салават Юлаев премиясе лауреаты, «Уфа шәһәренең мактаулы гражданины» Фидан Ага Гафаровның күркәм юбилее. Җырчыга 75 яшь тулды.

Википедия аның турында менә ничек яза:

Фидан Гафаров (Фидан Сафа улы Гафаров) — 1947 елның 12 октябренда БАССР Дүртөйле районы Яңа Уртай авылында туган. Уфа сәнгать укуханәсенең театр бүлеген (И.Х. Йомагулов курсы) тәмамлаган (1966). 1967 елдан М. Гафури исемендәге Башкорт академия драма театрында эшли. 1991 шәхси музыкаль кәмит гастроль театрына нигез куеп карый. Шагыйрә Ләйлә Дәүләтова белән концертлар оештыра. Концертларын күбесенчә татарлар яшәгән төбәкләрдә оештырса да, сәхнәдән бары тик башкорт телендә җырлый. Җырга-моңга сәләтле лирик-драматик каһарманнарны уйный. Төп рольләрне башкаручы зур сәхнә остасы. Югары дәрәҗәдә талантка ия актёр. Матур тышкы кыяфәте, музыкага сәләтле һәм хискә бай булуы Ф. Гафаровка истә калырлык образлар тудырырга ярдәм итә. Драматургиянең төрле жанрларына караган әсәрләрдә 100 гә якын рольне башкара.

2020 елның гыйнварында ватсапта Фидан Гафаров үлгән дигән хәбәр таралды. Ул вакытта җырчының улы Азамат Гафаров кискен рәвештә бу фейкка җавап итеп ватсапта икенче хәбәр язды. “Дусларым, тынычландырырга ашыгам. Минем әтием исән, сау-сәламәт. Кемдер акча эшләү максатында аны автоһәлакәттә вафат булды дип гайбәт таратты (кулларын өзәргә). Әти яңа гына әйткәнчә: көтеп ала алмаслар. Барысы да ОК, дуслар!” диде ул.

Шулай булсын! Бер явызның бу гамәле халык артистының гомер юлына еллар гына өстәсен!

Фото: Соцсети

---
Матбугат.ру
№ --- | 12.10.2022