БДИ – ялгыш эш

Бу хакта Федерация Советы спикеры Сергей Миронов әйткән. Аның сүзләренә караганда, мәктәпләрдә БДИ кертү тәҗрибәсе уңышсызлыкка дучар булган.

“Бердәм имтихан уйлап табучылар сигез төрле максатны күз уңында тотып эшләде. Мәктәптә яңалык кергән елдан алып бүгенгә кадәр тикшерү үткәрдек. Нәтиҗәсе аянычлы – сигез максатның берсе дә тормышка ашмаган”, – дигән Сергей Миронов. Шул исәптән, белем йортларында ришвәтчелекне дә юкка чыгара алмаганнар. Ул гына да түгел, 2009 елда мәктәптә коррупция икеләтә арткан. Мәктәптәге яңалыклардан укытучылар да риза түгел. Кичә мөгаллимнәр ил Президенты Дмитрий Медведевка “ачык хат” юллаган. Алар югары мәктәптә федераль дәүләт белем бирү стандартын кертүгә каршы.