Гөлназ Шәрипҗанова: "Әти башка хатынга өйләнгән"

 

-    Элек кызлар иртә кияүгә чыккан бит. Иптәш кызлары кияүгә чыгып беткәч тә, әнидән “син кайчан чыгасың инде?” дип сорый башлаганнар. Әни Азнакай районы Карамалы авылында Илнур исемле егет белән танышкан. Гади эшче булса да, бик чибәр егет булган ул. Бер ел тирәсе очрашып йөргәннән соң, әни 25 яшендә кияүгә чыккан. Әтигә дә 25 яшь булган. Әни тугызынчы сыйныфтан соң, Түбән Кама шәһәренең музыка училищесын тәмамлаган. Азнакайның музыка мәктәбендә укыткан, параллель рәвештә Мәдәният йортында оркестрда уйнаган. Сүз уңаеннан, Салават Миңнеханов аның укучысы булган. Әти авыл егете булгач, әнинең бу эшен өнәп бетермәгән, эшен ташлап, идән юучы булып эшләргә кушкан. Миңа бер яшь булганда, әти белән әни аерылышкан. Әни мине Карамалыда әти-әнисенә калдырып, Казан дәүләт мәдәният институтына сессиягә йөргән. Мин – әби тәрбиясендә үскән кыз.

 

 

-    Әни белән аерылышканнан соң, әти башка хатынга өйләнгән. Әти ягыннан Гөлнур исемле сеңлем белән Илсур исемле энем бар. Үз тормышымда аларны ике-өч тапкыр гына күргәнем бар, әмма аралашканыбыз юк. Күңелгә ошамаганы шул булды: миңа алимент түләмәс өчен, хатыны аның белән аерылышып, әти алиментны өч балага бүлеп түләгән. Алар бергә яшәде. Бу гамәл миңа аз акча түләр өчен махсус эшләнде. Шушы хәлне белгәнгә күрә, әтинең кайда, ничек яшәве белән кызыксынганым булмады. Яңа елга эшеннән миңа бирелә торган бүләкне әбиләргә кертеп калдыра торган булган. 

 

 

-    Берничә тапкыр гына. Бер вакыйганы мәңге онытмыйм. Көзге көн иде ул. Музыка мәктәбеннән кайтып барганда, каршыма әти очрады. Нишләптер мин аннан курка идем. Аны күрүгә, йөгерә башладым. Ә ул “кызым, тукта” дип артымнан чапты. Мин ниндидер кешеләргә сыенып, “коткарыгыз” дидем. “Кем ул сиңа?” дип сорагач, “бывший әти” дип җавап бирдем.

 

 

-    Миңа 18 яшь булганда, әти үлде. Себергә эшкә киткән җирдән кинәт вафат булды. Аны табутта алып кайтып җирләгәннәр. Хәзер исән булса, бәлки аның белән аралашыр идем. Әни дә әтине кабат кабул итәргә мөмкин булуын әйтте. Ул юмор хисле булган. Әни әйтүенчә, ул сыйфат миңа әтидән күчкән. Аның туганнары белән без бик яхшы мөнәсәбәттә, алар әнине дә, мине дә якын итәләр. Авылга кайтканда, әтинең бертуган абыйсы Ирек абый янына керәбез. Әтине искә алган саен күзенә яшь тула. Әнигә дә җиңел булмаган. Ләкин шуңа да карамастан, ул әтигә ачу сакламый. Әни кабат кияүгә чыкты, энекәш алып кайтты. Эмильгә – 1, миңа 10 яшь булганда, без Казанга күчендек. Хәзер энемә 23 яшь.