|
Шимбә, 04 май 2024
|
Кызык сайт бу!
|
|
|
Шимбә, 04 май 2024
|
Кызык сайт бу!
|
|
|
|
|
Бүген кемнәр туган
|
|
|
Архив
|
20.07.2022 Шоу-бизнес
"Горур тоткан әләмемне хәзер Айгөлем алды": Линар Юсиповка багышлап бәет язганнарШагыйрә Илүзә Әминова Айгөл Бариеваның мәрхүм ире Линар Юсиповка багышлап бәет иҗат иткән. Җырчы әлеге бәет белән үзенең телеграм-каналында уртаклаша: Аяз көндә яшен кебек
Кисте яхшы кәефем.
Мин сөйлимен сез тыңлагыз
Якты Линар бәетен.
54ем тулар тулмас,
Киселде гомер юлым.
Ничек яшәрләр миннән соң
Хатыным, кызым, улым.
Күпме планнар җимерелде,
Эшләнмәгән эш калды.
Горур тоткан әләмемне
Хәзер Айгөлем алды.
Туя күрмәде күзләрем
Кызымны һәм улымны.
Әҗәл дигән явыз нәрсә
Кинәт кисте юлымны.
Гади генә кеше идем
Артык тыйнак тумыштан.
Кыска шушы вакытымда
Ямь-тәм таптым тормышта.
Мин киттем лә, сез калдыгыз
Сыкрый, беләм, йөрәкләр.
Тик белегез, килеп җитә
Сезнең дога -теләкләр.
Иң авыры Айгөлемә,
Яратып туялмаган.
Күрәмен,ачы сагышын
Ничекләр тыялмаган.
Безнең булган хыялларны
Сиңадыр ашырасы.
Балаларны сөйгән ярлар
Кулына тапшырасы.
Мин юк диеп хафаланма
Һәр адымда янәшә.
Авыр булса да, бәгырем
Җирдә тәм табып яшә. Җырларыңа, җырлавыңа
Гашыйк идем, беләсең.
Һәр концертың фотоларда
Саклаганмын, күрәсең.
Җырла, җаным, моңнарың бер
Дога булып ирешер.
Мондый мәхәббәт сүрелми
Җаннар бары күрешер.
Һәркөн иртән таң сызганда
Офык читен яндырып.
Сизәрсез, бәгырь итләрем,
Мин киттем эз калдырып.
Бик авыр, җаныкайларым
Сезнең сызлану миңа.
Һәр адымда, һәр сулышта
Янәшә булам шуңа.
54ем тулар тулмас,
Киттем дөнья йөзеннән.
Курыкмаган идем лә соң,
Авыр тормыш йөгеннән.
Аллаһ шулай насыйп иткән
Гомерләрнең кыскасын
Мин сөйләдем, тыңладыгыз
Якты Линар кыйссасын.
--- |
Матбугат-инфо
                   Иң күп укылган
|
2008-2024 Матбугат.ру
Реклама и сотрудничество::
Email: matbugat@mail.ru
Материалы с пометкой "Партнерские новости" и "Партнерлар яңалыгы" размещены на коммерческой основе (реклама).
18+
