Кариев театры “Йосыф” спектакле премьерасына чакыра

Габдулла Кариев исемендәге Казан татар дәүләт яшь тамашачы театрында 15-16 июнь көннәрендә Идел буе Болгарында ислам динен кабул итүнең 1100 еллыгына багышланган премьера - «Йосыф» спектакле тәкъдим ителәчәк.

XIII йөздә иҗат иткән Болгар чоры шагыйре Кол Галинең поэмасы нигезендә Йосыф, аның әтисе, абыйлары турында бөтендөньяга билгеле легенда ята. Кариев театры татар халкының яраткан китабына музыкаль-пластик куелыш аша яңача караш ташларга чакыра.

Гадел һәм тугры булу, сыналу һәм сынмау, олы мәхәббәткә һәм яхшылык яманлыкны җиңәсенә ышану, язмышка буйсыну – борынгы тарих аша бүгенге көн тамашачысы белән менә ниләр хакында сөйләшү көтелә.

Билетлар алу өчен сылтама: https://tickets.karievteatr.ru/