Укытучы балага: "Тезләнеп гафу үтен!"

“Син – тезлән! Минем алдымда тезлән! Тезлән!”  – ди әмер биргән тавыш белән укытучы ниндидер элекке кылыгы өчен гафу үтенеп маташкан укучыга.

 

Соңрак “360” каналы укытучының  бу вакыйгада үзен гаепле тоймавын хәбәр итте.

 

Укытучы ханым сүзләренчә, укучы аны башкалар алдында мыскыл иткән. Низаглы хәл еллык билгеләр чыгарганда туган. Укучы аңа билгене гаделсез түбәнәйткәннәр дигән фикердә. Педагог үзе исә үсмернең тәртибенә карата  реакциясен дөрес дип саный.

 

“Мин үземне нәрсәдә булса гаепле дип санамыйм. Һәр сүзем астында кул куям. Мине барысы алдында түбәнсеттеләр. (...) Бу шундый тәрбияви момент. Әгәр аңа әти-әнисе хатын-кызларны кимсетергә ярамаганлыгын аңлатмады икән... Кешене  кимсетергә ярамый, хатын-кызны – аеруча. Укытучыны мыскыл итәргә ярамаганлыгын әйтеп торасы да юк...”– дип аңлата 40 еллык хезмәт стажына ия педагог  үзенең сүзләрен.

 

Ул үсмер егетнең чынында отличник түгел, җитмәсә тупас һәм әрсез булуын да өсти.

 

Җәнҗалдан соң  укытучы үзе теләп эштән китүе турында гариза язган.

 

Чыганак: lenta.ru

Фото: скриншот