Янгында ятим калган балалар өчен мәрхәмәтле кешеләр тарафыннан төзелүче “Игелек йорты”ның эчке эшләре кала

Шушы көннәрдә мәрхәмәтле кешеләр һәм “Ханский дом” оешмасы тарафыннан игезәк балалар Саша белән Юра һәм аларның әбиләре Гөлсинә апа өчен төзелүче “Игелек йорты” түбә астына кергән. Хәзер инде йортның эчке эшләрен эшлисе кала.

Саша белән Юраның әти-әнисе янгын вакытында һәлак булалар. Йортлары янганнан соң балаларны ятимнәр йортында, ә әбиләре Гөлсинә апа кечкенә бер вагонда яши башлый. Яшәү шартлары тиешле булмагач, оныкларны әбигә бирмәгәннәр.

Әлеге аяныч хәлләрне белеп алган “Ханский дом” оешмасы, гаиләне берләштерү өчен аларга яңа йорт салып бирергә дигән карарга килә. “Ханский дом” әлеге йорт төзелешенә акчасы һәм көче кергән һәркемгә олы рәхмәтләрен белдерә.

Дуслар, әлеге изге эшкә һәркем үз өлешен кертә ала. Кемдер акчалата, кемдер материаллар, ә кемдер үз вакыты һәм хезмәте белән ярдәм итә ала.

Акчалата ярдәмне түбәндәге реквизитларга күчерергә мөмкин:

4000796487738978
Садыков А. исемендәге Ак Барс картасы.
4817760513211049
Сбербанк картасы