19.04.2022 Фаҗига

Өч хатын-кыз һәлак булган авария нечкәлекләре билгеле

Башкортстанда Ямашлы сусаклагычына машина белән төшеп өч хатын-кыз һәлак булганнан соң җинаять эше кузгатылган. Исегезгә төшерәбез, фаҗига 18 апрельдә Күгәрчен авылы янында була: автомобиль суга төшә, руль артында исерек хатын — кыз була-ул исән кала, өч пассажир үлә. Ун бала әнисез кала. Һәлак булган 53 яшьлек хатынның — биш баласы, 36 яшьлекнеке икәү һәм 49 яшьлек хатынның өч баласы булган. Исән калган 48 яшьлек хатын-кызның да өч баласы бар.

ШОФЕР ТОТКАРЛАНГАН

Россия Эчке эшләр министрлыгының Зианчур районы буенча бүлегенең тикшерү бүлеге Күгәрчен авылында яшәүче 1974 елда туган хатынга карата Россия Җинаять кодексының 264 маддәсенең 6 өлеше буенча җинаять эше кузгатылган.

«Башлангыч мәгълүматларга караганда, кичә хатын-кыз хезмәттәшләре белән спиртлы эчемлекләр кулланган. Аннары, «ВАЗ-21140» автомашинасы руле артына утырып, ерак түгел урнашкан сусаклагычның яр буена таба юл тоткан. Дамба буенча хәрәкәт иткәндә, хатын-кыз идарәне югалта һәм суга төшеп китә. Ул батучы машинадан чыгып, ярга кадәр барып җитә. Шунда аны җирле кеше күреп ала һәм ашыгыч ярдәм чакырта. Урынга килгән табиблар хатын-кызны караганда юл-транспорт һәлакәте турында белә һәм район полиция бүлегенә хәбәр итәләр.

Өч хатын-кыз мәете булган машина сулыктан чыгарыла. Медицина тикшерүе нәтиҗәләре буенча машина йөртүченең канында 0, 928 мг/л исерткеч эчемлек күләме ачыклана.

«Шофер тоткарланды. Юл-транспорт һәлакәтенең бар нечкәлекләрен ачыклау өчен кирәкле экспертизалар һәм тикшеренүләр үткәреләчәк. РФ Җинаять кодексының 264 маддәсенең 6 өлешендә каралган җинаять кылган өчен, гаеплегә 15 елга кадәр иректән мәхрүм ителү куркынычы яный», — дип хәбәр итә Башкортостан буенча Эчке эшләр министрлыгының матбугат хезмәте.

ФАҖИГАГӘ БЕР КӨН КАЛА

«Башинформ» агентлыгы хәбәр иткәнчә, 17 апрельдә авариядә һәлак булган бер хатын-кызның туган көне була. Алар барысы бергә күңел ачалар, тантаналы вакыйганы билгелиләр һәм өйләренә таралыштылар. Икенче көнне, 18 апрель иртәсендә алар эшкә килгән — дүртесе дә «Ямашла» ял йортында пешекче булып эшләгәннәр — янә хәмер кулланганнар. Аларның берсе кояшлы көндә сусаклагычка барырга тәкъдим итә. Машина руле артында баш пешекче була. Нәтиҗәдә, үлем белән тәмамлаган юл-транспорт һәлакәте булган.

Шунысын да билгеләп үтәргә кирәк, исән калган хатын-кыз машина ишеген суда ача һәм чыга ала. Яр буена килеп җиткәч аны очраклы кеше күреп ала һәм «Ашыгыч ярдәм» чакырта. Шок хәлендә булган хатын сулыкта аның хезмәттәшләре булуын хәбәр итә.

БҮГЕН ҖИРЛИЛӘР

«Башинформа»га Зианчура районы хакимияте башлыгы Дамин Юланов һәлак булган барлык хатын-кызларны җирләү бүген булачагын хәбәр иткән. Муниципалитет һәлак булганнарның гаиләләренә ярдәм күрсәтәчәге дә билгеле. Аның сүзләренә караганда, хатын — кызларның өч мәктәп яшендәге баласы калган.

Фото: пиксабай

---
Ватаным Татарстан
№ --- | 19.04.2022