Казанда Петербург рәссамы Рәмзия Зиннәтованың шәхси күргәзмәсе ачылды

Казанда Әмир Мәҗитов музеенда рәссам Рәмзия Зиннәтованың «Ностальгия» исемле шәхси күргәзмәсе ачылды. Анда берничә эш сериясе – 50 дән артык әсәр тәкъдим ителә. Күргәзмә белән 20 нче майга кадәр танышырга мөмкин.

Рәмзия Зиннәтова Казанда туа. 1973 елда Казан сәнгать училищесының театр-декорация бүлеген, ә 1980 елда И.Е. Репин исемендәге сәнгать академиясенең график факультетын тәмамлый. Петербургта яши һәм эшли, Санкт-Петербург дәүләт университетында сәнгать факультетында укытучылар эшчәнлеген алып бара.

1985 елдан Россия Рәссамнар берлеге әгъзасы. 1980 елдан-Мәскәү, Петербург, Казан, Германия, Австрия, Кытай (Шанхай) күргәзмәләрендә актив катнашучы. Аның эшләре Россия Мәдәният министрлыгы, Россия Сәнгать академиясе, Татарстан Дәүләт сәнгать музее, Германия музейлары, Россия, Франция, Гер

мания, Австрия, Ирландия, Көньяк Африка республикасы, АКШ, Япония, Кытай һәм башка шәхси коллекцияләрендә урнашкан.
Рәмзия Зиннәтова Санкт-Петербургның “Ак калфак-Нева”татар хатын-кызларының иҗтимагый оешмасы советы составына керә. Үзенең иҗади эшчәнлегендә ул татар мәдәни традицияләрен төрле яклап күрсәтә. Бу дәүләт эшлеклеләренең портретларына, татар милли киеменә, хатын-кызлар калфакларына, ир-ат түбәтәйләренә, татар көнкүрешеннән сюжетларга, намазда торган хатын-кызларга кагыла. Аның эшендә ислам темасы алтын җеп белән бара.

Фирая Рашитова