«Калеб» мәйданында «Без – 41 ел балалары» фильмын карау һәм фикер алышу узачак

18 апрель көнне Кариев театрында «Калеб» иҗат һәм дискуссия мәйданы кысаларында күренекле татар язучысы Мөхәммәт Мәһдиев повесте буенча төшерелгән «Без – 41 ел балалары» фильмын карау узачак.

1968 елда иҗат ителгән һәм татар әдәбиятына яңалык алып килгән әлеге әсәр буенча төшерелгән фильм татар кинемотографиясенә дә яңа сулыш өстәдеме? Классик әдәбиятны бүгенге заман яшьләренә фильмнар аша җиткерү ни дәрәҗәдә актуаль? Иҗат төркеме, актёрлар белән фильмны төшерү тарихы, аның «эчке кухня»сы, прокаттагы язмышы, киләчәге хакында фикер алышу булачак.

Программада:

1. 17:00 – 18:10 – фильм карау.
2. 18:10 – 19:00 – актерлар, иҗат төркеме белән танышу, фильм хакында фикер алышу.

Кунаклар: Миләүшә Айтуганова, Әмир Галиәскәров, Ирек Хафизов, Булат Гатауллин, Рөстәм Гайзуллин, Зөлфәт Зиннуров.