|
|
Бүген кемнәр туган
|
|
Архив
|
19.01.2022 Криминал
6 яшьлек кыз мунчада батып үлгәнБашкортстанның Мәләвез шәһәрендә 6 яшьлек кыз батып үлгән мунча комплексының ике хуҗасына хөкем карары чыгарылды. Аларны кеше үлеменә китергән сыйфатсыз хезмәт күрсәтү турындагы җинаять эше буенча гаепле дип таныдылар. Бу хәл 2020 елның 4 июлендә булган. 6 яшьлек кыз әбисе һәм 8 яшьлек абыйсы белән мунча комплексында була. Бер арада бала күз уңыннан югала, соңрак аның үле гәүдәсен бассейн төбеннән табалар.
Тикшерү вакытында тикшерүчеләр комплексның ГОСТ һәм СанПин нормаларына җавап бирмәвен ачыклаган. Бассейн 7 яшькә кадәрге балалар өчен рөхсәт ителгән 0,6 метрдан тирәнрәк булган. Анда шулай ук кисәтүче мәгълүмат стендлары, үз-үзеңне тоту тәртибе турында мәгълүмат, медкабинет, тренер һәм инструктор да булмаган. Персонал беренче ярдәм күрсәтү һәм суда коткару күнекмәләренә өйрәтелмәгән.
- Мунча комплексы хезмәткәрләре килүчеләргә балаларны караучысыз калдырмау турында хәбәр итәргә, бу уңайдан кисәтүләр ясарга һәм әлеге нормаларны үтәүне таләп итәргә, югыйсә, хезмәт күрсәтүдән баш тартырга тиеш иде. Хокук бозулар баланың, караучысыз калып, бассейнда батып үлүенә китергән, – дип билгелиләр Тикшеренү комитетында.
Бер генә кеше үз гаебен таныган. Нәтиҗәдә, икесен дә шартлы рәвештә ике ел ярымга ирекләреннән мәхрүм иткәннәр. Алардан шулай ук үлгән кызның туганнарына әхлакый зыян өчен компенсация сыйфатында 2 миллион сум акча түләткәннәр. Мунча комплексы әлегә арест астында, аның эшчәнлеге ачыкланган җитешсезлекләрне бетергәнче туктатылган.
Фото: пиксабай
--- |
Иң күп укылган
|