Филармония солисты Илгиз Зәкиев: "Сәхнә өчен кайбер әйберләремне саттым"

— Чаллыда туып-үстем, — дип таныштыра башлады Илгиз. — Сәхнәгә 4 яшьтә чыктым. Әти-әни, музыкаль сәләтемне тоеп, Чаллыда музыка мәктәбенә бирде. Аннан укуны Казандагы музыка мәктәбендә дәвам иттем. Казан дәүләт консерваториясен тәмамладым.

 

 

— Илһам абый репертуарын аеруча яратам. “Әдрән диңгез”, “Җиз кыңгырау”... — берничә җырын башкарам. Илһам абый бер концертта: “Бу җирендә болайрак җырла, бу өлешен шулайрак ал”, — дип киңәш итте. Сәхнә артында еш күрешә башладык. Мин бала-чаганы санлап сөйләште. “Кара урман”ны башкару тәртибен аеруча җентекләп өйрәтте.

 

— Консерваторияне тәмамлап, бер ел узгач урнаштым. Коллектив, җитәкчелек әйбәт. Татарча, русча, итальянча җырлыйбыз. “Сольный” концертымда да филармония зур ярдәм күрсәтте.

 

 

— Узган ел пандемия чоры, эшсез вакыт, акча юк. Җыр яздырырга, ротациягә бирергә кирәк. Яхшы сәгать, бер телефоным һәм тагын кайбер башка әйберләрне саттым. Эшкә җигим, тик ятмасыннар, дидем.

 

 

— “Үзгәреш” һәм “Буран булып” җырларына төшердек. Биергә электән яратам. Клипка да бию алымнарын керттек. Концертыма бию куярга “Казан” бию ансамбленең сәнгать җитәкчесе Чулпан Закирова булышты.

 

 

— Медицина лицеен тәмамладым. Әмма медицина хезмәткәре минем өчен бик авыр һөнәр. Бәлки, бизнес, идарә, административ эшкә керер идем.

 

— Үз өстеңдә көн саен эшләсәң генә, популярлашырга мөмкиндер. Эшләргә, тырышырга кирәк. Туктадыңмы, булмый, куып тота алмыйсың.

 

P.S. Күптән түгел Илгиз Зәкиевкә Татарстанның атказанган артисты исеме бирелде. Котлыйбыз!