Илнур Шәйхетдинов: “Елмай” сөт заводы Danon халыкара компаниясе аудитын узды”

«Бизнес-Онлайн» интернет-порталында «ЕлМай» заводы турында зур мәкалә чыкты. Язманың иң мөһим өлешләрен сезгә дә тәкъдим итәбез:

1. Атланмай җитештерүче «ЕлМай» кооперативы яңа проект – югары технологияле чистарту корылмаларын гамәлгә кертте. Кулланылган су дүрт баскычтан торган чистарту үтә: механик чистарту, реагент кулланып, бактерияләр белән биологик чистарту һәм ультрашәмәхә белән зарарсызландыру. Кооперативның планында чистартылган суны икенче максатта файдалану. Комбинат территориясендә 2,5 га мәйданда авыл хуҗалыгы культуралары – кәбестә, кишер, чөгендер утыртылган. Алар өчен су сибү өчен чистартылган су кулланыла. Чистарту корылмалары завод өчен 30 млн сумга төшкән. Болар барысы да экологияне саклау өчен эшләнә.

2. Оешма өч ел эшли һәм бу вакыт эчендә үзенең тотрыклы клиентын таба. Завод продукциясе Россиянең барлык почмакларыннан күпләп сатучылар тарафыннан сатып алына. Әйтик, атланмайны Мәскәү өлкәсенең мәктәп һәм мәктәпкәчә учреждениеләренә озаталар, коры майсызландырылган сөтне Владивостокка кадәр саталар.

3. Предприятие җитәкчесе Илнур Шәйхетдинов болай ди: «Безнең сөт заводы Danon халыкара компаниясе аудитын узды. Ә аларның сыйфат буенча таләпләре бик югары». Тиздән «ЕлМай» продукциясе эре кибет-челтәрләрдә дә сатыла башлаячак. Ретейлерлар вәкилләре белән комбинат продукциясен кертүгә килешү төзелгән һәм якын арада барлык сатып алучылар атланмайдан файдалана алачак.

“Бизнес-Онлайн”да чыккан мәкаләне тулысы белән әлеге сылтамадан кереп укый аласыз.