Тәмле ботка пешерү өчен берничә лайфхак

“ЕлМай” бренды майның файдалы киңәшләрен бирүен дәвам итә. Чираттагысы тәмле ботка пешерү турында. Укыйбыз:

"Май ботканы бозмый" дигән гыйбарәне һәрберебез кечкенәдән ишеткәне бардыр. Ләкин күпләр ботканы бик яратып бетерми. Боткадан файдалы ризык кына пешереп калмыйча, аны тәмле һәм "аппетитный" ясау өчен берничә лайфхак:

- Фантазиягезне эшкә җигегез. Ботканы төрле җиләк-җимешләр, чикләвекләр белән бизәгез.

- Әгәр дә боткагызга әз генә көрән төстәге шикәр комы сипсәгез, ул тиз эриячәк һәм кетердәп торган карамельгә әйләнәчәк.

- Иртәнге аштан калган ботканы бер сәгатькә суыткычка куеп торыгыз. Аннан алгач, телемнәргә кисеп, өстенә җиләк-җимеш, чикләвекләр өстәп, матур креманкаларга салып бирергә мөмкин.

Ә сез тагын нинди ысуллар беләсез? Языгыз әле.