Милли музейда дөньякүләм дәрәҗәсендәге экспонат тәкъдим ителәчәк

24 май көнне Милли музейда Рус халкының традицион мәдәниятенә багышланган яңа күргәзмә ачыла. Анда дөнья күләмендә әһәмияткә ия экспонат - 15 гасырдагы Тверь евангелие күрсәтеләчәк. Күргәзмәне Татарстан Республикасы Милли музее һәм Казанның Рус фольклоры үзәге оештыра.

Рус язу һәйкәлләреннән тыш, кунаклар рус декоратив-гамәли сәнгате әсәрләрен: чигелгән костюмнар, баш киемнәре, сөлгеләр, төрле челтәрләр, көнкүреш металл һәм агач кирәк-яраклары, зәркән әйберләр күрә алачак. Пычак һәм поднослар - Палех, Федоскино, Гжель, Хохлома, шулай ук Тула самоварлары тәкъдим ителәчәк. Милли музей фондларыннан төшкән фотосурәтләрдә Идел буеның рус авылларында яшәүчеләрне һәм XIX гасыр ахыры-XX гасыр башында рус халык кул эшләнмәләрен күрергә мөмкин булачак.

Күргәзмәнең бер бүлеге - "Рус халык уенчыгы" XII регионара конкурсында катнашучылар эше. 100дән артык экспонат - балчыктан, мамыктан, агачтан, табигый материаллардан ясалган уенчыклар урын алачак. Конкурс 2008 елдан Рус фольклоры үзәге тарафыннан уздырыла, күргәзмәне ачу кысаларында җиңүчеләрне бүләкләү булачак.

Әлеге күргәзмә июль аены кадәр эшлиячәк.