“Алар Раббыларына төннәр буе аягүрә торып та, сәҗдәгә китеп тә гыйбадәт кылалар”

Мөселман кешесе Рамазан аеның ахыргы ун көненең һәр төнен, Кадер кичәсе дип белеп, гыйбадәттә уздырырга тиеш. Менә шул вакытта ул уңышка ирешәчәк һәм Аллаһ Тәгалә каршында хәерле бәндәләрдән булачак. Кадер кичендә гыйбадәт кылу мең ай гыйбадәт кылудан да изгерәк.

 

Шушы форсаттан без дә, Сызран шәһәренең “Ак калфак” хатын-кызлар оешмасы әгъзалары, остазыбыз Әнүзә Мостакаева җитәкчелегендә, “Фәйзулла” мәчетендә Кадер кичәсен каршы алып озаттык. Ифтар мәҗлесен Алия Хәйрова, Әнвәрия Гафурова, Наилә Кирпичева, Рушания Низамиева үз хисабына әзерләгәннәр иде. Ифтардан соң ахшам, ястү намазларын һәм тәравих укып, төнгә нәфел гыйбадәтләре, истигъфар кылып, “Фәйзулла” мәчетендә Кадер кичен каршы алдык. Кылган изге гамәл-гыйбадәтләребез өчен Аллаһы Раббыбыз савапларны күпкә арттырып бирсен иде.

 

Игътикяф кылганда, күңелләребез сафланып, йомшарып китеп, Аллаһ Тәгаләгә якынайдык. Төнлә гыйбадәт кылучылар турында бер аятьтә болай дип әйтелгән: “Алар Раббыларына төннәр буе аягүрә торып та, сәҗдәгә китеп тә гыйбадәт кылалар”. Шуңа күрә төнлә нәфел гыйбадәтләре кылучы мөселманнарның йөзләре шундый матур һәм нурлы, чөнки алар Рәхмәтле Аллаһ белән калалар.

 

Без, “Ак калфак” хатын-кызлар оешмасы әгъзалары, Кадер кичәсенең шундый изге төн икәнен аңлап, күңелләребез иман нуры белән тулып, өйләребезгә таралыштык.

 

 

Гөлнара ДӘҮЛӘТШИНА.

 

Сызран шәһәре.