26.04.2021 Җәмгыять

Халык артисты Илгиз Колючевның вафатына 40 көн

Техник фәннәр кандидаты, космик ракеталар конструкторы, Россия Федерациясенең һәм Татарстан Җөмһүриятенең атказанган мәдәният хезмәткәре, “Дуслык” ордены, “Самара җиренә игелекле хезмәт күрсәтү өчен” күкрәк билгесе һәм күпсанлы медальләр һәм исемнәр белән зурланган Самара өлкәсенең беренче Халык артисты Илгиз Исмәгыйль улы Колючевның вафатына 40 көн.

Әлмисәктән дөнья сөрә

гаделсезлек,

Күп хәвефләр күрә

шунлыктан кешелек,

Бар имгәкләр. Йөздән артып

китә яше,

Булмаса да гомер буе юньле

эше.

Иленә дә, туган-үскән

җиренә дә

Игелек юк. Пыскып ята

төтенендә.

Дөрләп янып, ил балкытып

яшәүчеләр,

Хәйран инде, җиргә күпкә

килмәгәннәр.

Шулар ала иң башына илнең

йөген,

Маяк булып алга өнди үз

милләтен.

Шулай безнең якта янды

балкып

Илгиз Кәлүч. Без беләбез

аның изге эшен.

Күтәргесез хәбәр килеп

җитте бүген,

Караңгыга манып язның

якты күген.

Милләтенә хәтта җанын

жәлләмәгән

Шәхес сүнгән. Ник туктаган

йөрәк тибешеннән?

Илгиз төп хезмәттә булды

галим,

Ул чыгарган очкычлар

яулады галәм,

Гаиләдә - тәэминләүче,

тәрбияче,

Ансамбльдә - 50 ел

җитәкче.

Ярты гасыр буе “Яшьлек”

дип яшьнәде,

Шигырь аша ана телен ул

зурлады,

Алгарышка һәм сәнгатькә

гашыйк бәндә -

Гармун моңы һәм җыр колы

булды җирдә.

Авылларга чыгып китте

кышын-җәен.

Файда, табыш эзләп

йөрмәде һич.

Кузгатты һәр татарның ул

йөрәген

Чап Уралдан Нева ярларына

хәтле.

...Менә ул юк инде. Нинди

гаделсезлек!

Йөрәк сыкрый, аны басарлык

чара юк.

Дәва - фәкать бай мирасын

яклау,

Якты истәлеген

күңелебездә саклау.

Наил ВАХИТОВ.

Самара шәһәре.

Үткән шимбәдә Самараның Халыклар дуслыгы йортының актлар залында өлкә “Туган тел” татар җәмгыятенең еллык җыелышы үткәрелде. Җыелыш башында “Туган тел” җәмгыяте президенты Ильяс Шәкүров еллык исәп-хисап белән чыгыш ясады.

Ул “Туган тел” җәмгыятенең 30 еллыгын уздыру өчен халыктан җыелган акча күләмен атап үтте, акчаның нәрсәгә тотылганы турында да бәйнә-бәйнә сөйләде. “Халыктан җыелган акчаның бер тиене дә читкә китмәде, алай эшләргә хокукыбыз юк”, - диде ул. Ревизион комиссия рәисе Риф Нәҗмиев тә моны раслап, бухгалтер документларының төгәл алып барылуы, ел ахырына нулевой баланска чыгулары турында белдерде. Доклад нәтиҗәләренә карап, оешма әгъзалары Ильяс Гомәр улының эше белән канәгатьлек белдерделәр.

Көн тәртибенә куелган икенче мәсьәлә дә каршылыклар тудырмады. 2019 елның маенда Фәрхәд Мәхмүтов вафат булганнан соң аның вазифаларын Данияр Сәйфиев башкарып килде. Ләкин аңа болай да йөкләмә зур булу сәбәпле, яңа директор эзләргә туры килгән. Менә, ниһаять, бу мәсьәлә дә хәл ителде. Директор итеп оешманың актив әгъзаларының берсе булган Гүзәл Ибраһим кызы Рамазанова сайланды. “Туган тел” Советына Артур Хазиев, Илдар Әбүбәкеров, Диана Таһирова һәм Кадрия Гыйльманова кертелделәр.

Җыелышта тантаналы моментлар да булды – Җәмигъ мәчете имамы Иршат хәзрәт Сафинга Фатыйх Мортазин премиясе тапшырылды. Исегезгә төшереп үтәбез, бу премия татар милли оешмалары һәм региональ Диния нәзарәте тарафыннан татар җәмәгатьчелеге алдында казанышларга ирешкән шәхесләргә тапшырылып килә.

“Туган тел” җәмгыяте активисты, рәссам Азат абый милли мәдәният хезмәткәре Флорида Локмановага, милли матбугат хезмәткәрләре Эльмира Варфоломеевага һәм Миләүшә Газимовага, ике ел буе оешма директоры вазифаларын башкарган Данияр Сәйфиевка һәм килгән яңа директор Гүзәл Рамазановага, күп еллар буе тәмле ризыклары белән бәйрәм өстәлләребезне бизәп торган “Кулинария на Революционной” кибете җитәкчесе Равилә Кыямовага үзенең картиналарын бүләк итте.

Эльвира РӘФЫЙКОВА.

---
Бердәмлек
№ --- | 26.04.2021