Кариев театры Казан буйлап самокатта йөрергә чакыра

23 апрель көнне Габдулла Кариев исемендәге Казан татар дәүләт яшь тамашачы театры 10:00 сәгатьтән алып 13:00 сәгатькә кадәр язгы Казан буйлап самокатта йөрергә чакыра. Театр Габдулла Тукай музее белән берлектә “Ике Габдулла?” дип аталган театраль сәяхәт уздыра.

Элек бу урыннарда Г.Тукай белән Г.Кариев (ике Габдулла) сәйран кылып йөрергә яраткан... Алар үз заманында әдәбият белән театрны бер чылбырда күргән. Әлеге проект кысаларында театр төрле өлкәләрдән булган сәнгатькярләрне һәм, әлбәттә, театрларны берләштерергә булган.

Сәяхәткә кушылырга сезнең дә мөмкинлегегез бар! Моның өчен 3 гади шарт үтәргә кирәк:

- @teatr_g.karieva, @muztukay һәм @tatprokat аккаунтларына язылыгыз.
- Өч аккаунтның да соңгы 3 постына лайклар куегыз.
- Ссылтама буенча урнаштырылган пост астында 3 дустыгызны билгеләгез.

Нәтиҗәләр 21 апрельдә 15:00 сәгатьтә ясалачак.