Тирегә май ничек йогынты ясый?

Кышын күпчелек кешеләр бит һәм кул тиресенең коры булуыннан зарлана. Белгечләр, тирене йомшарту өчен көндәлек ашауга май кертергә куша. Бу продукт, чыннан да, универсаль. Май тирене ярсытмый һәм аллергия дә бирми.

Әмма бит тиресе майлы һәм киң күзәнәкле булса, майны чикләнгән күләмдә генә кулланырга кирәк. Мондый кешеләр майны күз тирәсендәге тирегә төнгә сылап калдыра ала. Иртәдән майны мамык диск белән сөртеп алырга кирәк.

Ә менә башка төр тиреләр өчен (нормаль, катнаш һәм бигрәк тә коры) май бик файдалы. Майдагы ретинол йөзне яктырта һәм яшәртә. Бета-каротин ярсыланган тирене төзәлтә. С, А һәм В витаминнары исә тирене йомшартып, зарарлы радикаллардан саклый. Фолий кислотасы исә дерманың эчке катламнарын тирәннән туендыра, аларны дым белән туендырып, битнең корылыгын бетерә. Ниацин тиренең саф һәм сәламәт төсен кайтара.