14.12.2020 Җәмгыять

1 гыйнвардан 1 апрельгә кадәр бәяләрне "туңдырмакчылар"

Коронавирус белән мәш килеп, көндәлек кулланыштагы азыкларга бәяләр артуын сизми дә калдык. Былтыр шикәр комының бәясе 25 сум тирәсе тора иде, быел 45 сумга кадәр җитте Икеләтә диярлек артты. Көнбагыш мае белән дә хәлләр шулай тора. Инде бәяләр тагын да ныграк күтәрелмәсә ярар иде дә соң...

Юк, башкача күтәрелмәячәк, бәяләрне тезгендә тотачакбыз дип ышандырдылар бәяләрне тотрыкландыруга багышланган киңәшмәдә Русия Сәнәгать һәм сәүдә, Авыл хуҗалыгы, Икътисади үсеш министрлыклары һәм Федераль монополиягә каршы хезмәт.

Мәгълүматларга ярашлы, эшкуарлык 2021 елның 1 гыйнварыннан алдагы өч айга шикәр һәм көнбагыш маена сатып алу һәм ваклап сату бәяләре үсүен туктата ала.

Шулай итеп, бер литр көнбагыш маен җитештерүчедән сатып алганда - 95 сум, ә кибет киштәләрендә 110 сум дип билгеләү планлаштырыла. Ә шикәрнең бер килосы өчен җитештерүчедән 36 сумга һәм кибеттә 45 сумнан билгеләргә тәкъдим ителде. Яңа фикергә килү компанияләр арасында килешү формасында ныгытылачак.

Май һәм жир җитештерү союзының башкарма директоры Михаил Мальцев белдерүенчә, әлеге карарны җитештерүчеләрнең күпчелеге хуплаган.

Оешма үзе дә, ниһаять, дәүләтнең бәяләргә кысылуына шат. Сәнәгать һәм сәүдә министрлыгыннан белдерүләренчә, быел шикәр һәм көнбагыш бәяләре поставщиклар аркасында үскән. Алар сатып алу бәяләрен ике тапкырдан күбрәккә арттырган.

Үткән атнада Русия президенты Владимир Путин азык -төлек бәяләре хакы үсүенә карата хөкүмәткә чаралар кабул итәргә кушкан иде. Ул мәсьәләне чишүгә бер атна вакыт бирде.

"Ромир" тикшеренүләр холдингы мәгълүматларына ярашлы, 2020 ел башыннан көндәлек товарларга һәм азык-төлекләргә бәяләр 14 процентка арткан. "Росстат" инфляция 4,42 процентка җитте дип саный.

Чыганак: Лента.ру

Фото: www.goodfon.ru

Резида Кадикова
Өмет
№ --- | 14.12.2020