Легендар актер Валентин Гафт вафат

Россиянең халык артисты Валентин Гафт 86нчы яшендә вафат булды, дип хәбәр итте Мәскәүнең «Современник» театры. "Инсульт булды", — дигән РБК порталына артистның хатыны Ольга Остроумова.

Валентин Гафт 1935 елның 2 сентябрендә Мәскәүдә туган. 1957 елда МХАТ мәктәп-студиясен тәмамлый, аннан соң Мәскәү драма театрында, Совет исемендәге театрда, Ленкомда һәм Сатира театрында эшли.

1969 елдан актер «Современник» театрында чыгыш ясый башлый. Шулай ук Гафт бик күп киноларда, шул исәптән «Гараж», «Небеса Обетованные», «17 мгновений весны», «Здравствуйте, я ваша тетя!» фильмнары аша таныш.