|
|
Бүген кемнәр туган
|
|
Архив
|
24.11.2020 Криминал
6 айлык бала сусаудан җан биргәнСахалиндагы Долинск шәһәрендә алты айлык бала сусаудан җан биргән. Шундый нәтиҗәгә килгән тикшерү органнары үз сабыена салкын караган хатынны тоткарланган, баланың үлеменә китергән очрак буенча җинаять эше ачылган, дип хәбәр итә РИА Новости. Гаиләдәге тагын ике баланы – вафат булган малайның игезәк сыңарын һәм дистрофия билгеләре булган ике яшьлек кызны алганнар.
Җирле опека органнары эшчәнлеген полиция тикшерә. Вазифага салкын караш маддәсе буенча җинаять эшен ачылган.
Мәгълүм булуынча, гаилә опека органнарында исәптә тормаган. Бу хатын-кыз турында полициягә бер хәбәр дә килмәгән. Тикшерүчеләр хатынның эчкечелек белән мавыгуын ачыклаган, өйдә ризык та юк, балалар тәрбиялү өчен тиешле көнкүреш шартлары да тудырылмаган.
Күптән түгел Томск өлкәсендә яшәүче бер хатынның җиденче баласын тудыргач, ачка үтерүе турында хәбәр иткәннәр иде. Нарасый авыру булган, ә хәсрәт ана аннан шулай котылырга уйлаган. Судта хатын баланың үлемен шул авыруы белән аңлатырга планлаштыруын белдергән...
Алсу ТӨХВӘТУЛЛИНА |
Иң күп укылган
|