Милли музей Лев Толстойны искә алу чарасын үткәрде (ФОТО)

Бөек рус классигы Лев Николаевич Толстойның вафатына 110 ел тулды. Хәтер көнендә Татарстан Республикасы Милли музее «Күп елларга бөек бүләк» программасын үткәрде. Программа Казандагы Л. Н. Толстой скверында язучы һәйкәленә чәчәкләр салудан башланды.

Тантанада генераль директор вазыйфаларын башкаручы Измайлова Светлана Юрий кызы, ТР Иҗтимагый палатасы рәисе урынбасары, Татарстан Халыклар дуслыгы йорты директоры урынбасары Исаева Анастасия Георгий кызы, А.С. Пушкин исемендәге мәдәният үзәгенең мәдәни-ял итү эшчәнлеге бүлеге мөдире Чикмарева Татьяна Сергей кызы, шулай ук Н.И. Лобачевский исемендәге Академия лицее директоры Беспалова Татьяна Вениамин кызы катнашты.

Программаның икенче өлешендә «Лев Толстой Казанда» дип исемләнгән күргәзмә буенча экскурсия булды, аны музей кунаклары өчен Татарстан тарихы һәм мәдәнияте бүлеге мөдире Чканова Татьяна Борис кызы үткәрде.

Күргәзмә кунакларны Толстойлар нәселенең Казан губернасы белән бәйле танылган вәкилләре турында материаллар белән таныштыра.

Алар арасында – Андрей Иванович Толстой (язучының бабасы) һәм аның улы — биш ел дәвамында Казан губернасы губернаторы вазифасын башкарган Илья Андреевич Толстой. Толстойларның ятим калган балаларының опекуннары булган Юшковлар нәселе вәкилләре турында сөйләнә. Күргәзмәдә шулай ук Казанда язучы истәлеген мәңгеләштерү турында материаллар да тәкъдим ителә. Күргәзмә 2020 елның 20 нче декабренә кадәр эшли.