Азамат Миргалиевны 10 яшьтән үк банкетларда җырларга чакыралар

Бүген сезне яшь җырчы Азамат Миргалиев белән таныштарасы килә. Азнакайда туып ускән егет 8 яшендә шәһәрнең балалар сәнгать мәктәбенә Фирдәвес Әхмәтгалиева сыйныфына вокал бүлегенә укырга керә. Шушы вакыттан ул сәнгатькә беренче адымнарын ясый.

Елдан-ел бик күп төрле бәйгеләрдә катнашып, лауреат урыннарына лаек була. "Юлдаш" ансамбле солисты буларак та чыгыш ясый. 10 яшьтән үк аны банкетларга җырчы буларак та чакыра башлыйлар.

9-нчы сыйныфны тәмамлаганнан соң, Азамат Казандагы Әүһәдиев исемендәге музыка көллиятенә укырга керә. Әмма Азнакай мәктәбендәге күпчелек укытучылар белән дустанә мөгаләмәдә кала. Азамат узенең репертуарын да яраткан укытучысы Резеда Гыйләҗева иҗат иткән җырларыннан туплый башлый.

"Минемчә, артист кеше халыкчан булырга тиеш, нинди дәрәҗәдә булуына карамастан, гади булып калырга. Үз халкын, туган телен, милләтен югары дәрәжәгә күтәрергә тиеш! Балачагымнан ук җырчы булырга хыялландым һәм мөмкинлегемнән чыгып, хыялымны тормышка ашырырга тырышам.

Бүгенге көндә банкетлар уздырам, ешрак төрле сәхнәләрдә күренергә тырышам. Сәхнәдә мин үземне бик җиңел тотам, тамашачыларга үз сәнгатемне бүләк итеп,үзем дә алар белән бергә ял итеп, алга таба эшләр өчен, яңадан-яңа җырлар чыгарыр өчен илһам алам. Бүгенге көнгә кадәр ярдәм итеп, мине тормыш юлымнан җитәкләп алып барган кешеләремә дә бик рәхмәтлемен", - ди Азамат.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Азамат Миргалиев (@pevec_azamat_mirgaliev)