ЯШЬТИ РУШАН ХӘЯЛИЕВ (АУДИО)

ТЫНЫЧЛЫК КОРБАНЫ

Кыр батырлары яу батырларына әйләнергә мәҗбүр булган елларда

Яшь хатыннар догаларын кылганнар: “Байлыгы кирәкми, әзен бирче, Ходам:

Кайтсыннар исән килеш ирләребез; ачлыктан үлмәбез,

Бер яңгыр яуса

Газиз туфракларга,

Газиз туфракларга,

Газиз туфракларга бер яуса.

Инде утыз ел сызгырмый уклар; үзгәрде замана, үзгәрде догалар.

Тынлык белән канәгатьсезлек килде. Кәсепләрен алмаштыра батырлар:

“Гаебе бездә генә түгел бит – заманасы шул бит”, –

Чү, сеңлем, бу –

Көчсезлек сүзләре,

Көчсезлек сүзләре,

Көчсезлек сүзләре түгелме?

Кайсы илдә туса да – бер гади җыр. Шул мине юата, шуны тыңлап елыйм.

Наратларда уйнаган җилне тыңлыйм,

Наратларда уйнаган җилне тыңлыйм...

Тынычлык корбаны,

Тынычлык корбаны,

Тынычлык корбаны булалмыйм.

КАЗАН ТУЛЫ ЯЗ

Шушы ут кебек кайнар күзләрең

Эреткәндер карларны...

Болытлар буйлап атлап киләсең,

Бала кебек шатланып.

Түзмәдең: сәлам җибәрдең миңа –

Көчкә аякта калдым;

Җитди булып кылансам да,

Кулны тотып кала алмадым.

Кисеп алып кайтып китәр идем

Шушы асфальт кисәген,

Хәтерләп калса әгәр күлдәвекләр

Синең сурәтең.

Күп йөрде болытлар өстебездә -

Тапта әле үзләрен!

Кире ки әле кызыл күзлегеңне –

Артык кайнар күзләрең...

ТӨНГЕ СТАНЦИЯ

Төнге станция.

Караңгыда ялгыз ут.

Төнге җилләр салкын була –

Якаңны күтәреп тот.

Төнге станция.

Үткәнем – бер букчада,

Киләчәгем – автобус:

Килә? Килми? Соңга кала?

Утырдым аяк сузып,

Бераз ял итсен, диеп;

Күршем куйды елмаеп,

Аргансың бүген, диеп.

Мондый вакыт җылы сүз

Кадерле икеләтә.

Коры тәмәке исе

Туган якны хәтерләтә...

БАЛАЛАР ДӨНЬЯСЫ

Кайсы яшьтә үзгәрдең син,

Оныттың хыялларың?

Фикерләрең дөрес иде,

Гади иде мантыйгың.

Адаша иде бик җиңел

Кайгыларың, чапканда

Биек үлән арасында

Балалар дөньясында.

Балалар дөньясы

Нигә соң калмасын?

Балалар дөньясы

Бер күперне чыгасы.

Караңгы төшкәч дөньяга,

Шомлы иде һәр шәүлә;

Иң бәхетле кеше идең

Якты иртә килгәндә.

"Газап түгел", – дисең, – "тормыш,

Гел шатлык булмаса да"...

Син кайдадыр, ә мин һаман

Балалар дөньясында.

Балалар дөньясы.

Күз яшьләре ачысы.

Балалар дөньясы

Нигә соң калмасын?

КӘРИМОВ, ХӨСӘЕНОВ ВӘ ШӨРЯКӨСЕ

Кәримев, Хөсәенев вә шөрякәсе

Җитәкләп кулымнан уңышка илтсен.

Гасыр пәрдәләреннән килеп чыкты ук!

Бу ахыргы заманда безгә хөрмәт юк...

Кәримев, Хөсәенев вә шөрякәсе

Ничек яшәргә икәнне аңлатып бирсен.

Нигә тагын өмет белән карый бу күзләр?

Күбрәк ягыйк юеш салам – күрсеннәр үрләр!

ҮСКӘН УҢГАН САБЫЙЛАР

Кайсы яктан карасаң да,

Авызыңны ватсалар, – димәк, – эш дөрес бармый.

Каршы дәшмичә тыңла

Төшләрең җимерелүен – буларсың уңган сабый.

Әмма гомерең буена

Авызыңны ватмасалар, – димәк, – кайдадыр хата

Үскән уңган сабыйлар

Ватан өчен сугышалар кичләрен компьютерда.

Patria o muerte!