Татарстан китап нәшриятында шушы көннәрдә чыккан ЯҢА 5 КИТАП (ФОТО)

Күптән түгел Татарстан китап нәшриятында «Җырчы буласым килә» дип исемләнгән җыентык басылып чыкты. Әлеге китапта аның авторы композитор Гөлнара Беляева сезгә таныш булган бик күп әсәрләре туплап бирде: шаян җырлар, романслар, патриотик җырлар, хор өчен әсәрләр һәм эстрада лирикасы. Китап ике бүлектән тора: беренчесе — өлкәннәр өчен, ә икенчесе — балалар җырлары. Гөлнара Беляева — теория белгече, композитор, иҗади тормышын 40 ел дәвамында хорлар белән бәйләгән музыкант-практик. Татар композиторы Шамил Тимербулатовның бертуган сеңлесе. 40 елдан артык бишенче балалар музыка мәктәбендә укытучы булып эшли.

 

 

Бу китап шулай ук Татарстан китап нәшриятында чыкты. Татар ПЭН-үзәге ярдәме белән. Ул өч телдә. Казан ханлыгына багышланган фәнни-монографик тикшеренү бу. Китапның авторы — олуг галим Михаил Георгиевич Худяков(1894–1936).

 

 

Рушания Гыйләҗеваның «Хәрефләр өйрәнәбез» дип аталган эчтәлекле, матур рәсемле китабына да уңышлар телисе килә. Рушания Гыйләҗеваның нәни укучыларга әйткән сүзе киңәш тә, үгет-нәсыйхәт тә булып яңгырый:

 

 

Бу китап турында “Матбугат.ру”да инде язган идек. Җыентыкта — бүгенге билгеле авторлар иҗаты. Анотологиягә XXI гасыр башында татар әдәбиятына килгән каләм әһелләренең шигырьләре, хикәяләре, пьесалары туплап бирелде.

 

 

Гаяз Исхакый. “Ике йөз елдан соң инкыйраз”. Бу китапка әдипнең төрле елларда иҗат иткән биш проза һәм сәхнә әсәре тупланды. Проза әсәрләре: “Ике йөз елдан соң инкыйраз”, “Сөннәтче бабай”, “Көз”. Сәхнә әсәрләре: “Зөләйха”, “Олуг Мөхәммәд”