20.05.2020 Мәдәният

Милли музей филиаллары эшли башлады. Ләкин әлегә барысы да түгел (ИСЕМЛЕК)

Озак вакыт онлайн режимда эшләргә мәҗбүр булган музейларга эшчәнлекләрен оффлайн дәвам итәргә рөхсәт бирелде. 20 майдан башлап Татарстан Республикасы Милли музее филиаллары да кабат ишекләрен ачты.

Сез хәзер әлеге музейларда онлайн гына түгел, ә элеккечә, залларда йөреп, сәяхәт кыла аласыз:

- 1941-1945 еллардагы Бөек Ватан сугышы Музей-мемориалы

- Ш. Камал мемориаль фатиры булган татар әдәбияты тарихы музее

- В. И. Ленин музей - йорты

- Е. А. Боратынский Музее

- А. М. Горький һәм Ф. и. Шаляпин музее

- К. Насыйри Музее

- Г. Тукай әдәби музее

- Печище авылындагы Я. Купалы музее (Югары Ослан районы)

- Красновидово авылында А. М. Горький музее (Кама Тамагы районы)

✅ Музейларга барганда кайбер кагыйдәләрне үтәвегезне сорыйбыз:

- килүчеләрнең шәхси саклану чараларында: битлек һәм перчаткаларда гына керү мөмкин;

- музей залларында бер үк вакытта килүчеләр арасында 1,5 метр социаль дистанцияне үтәгәндә 10 кешедән дә артмаган санда кеше була ала;

- 5 кешедән артык булмаган төркемнәргә экскурсия хезмәте күрсәтү.

✅ Барлык музейлар да антисептиклар белән җиһазландырылган. Көн саен музей залларында дезинфекция чаралары кулланып дымлы җыештыру һәм даими җилләтү үткәрелә.

Мөһим мәгълүмат: Татарстан Республикасы Милли музее, яңа экспозиция төзелүгә бәйле рәвештә, вакытлыча ябык. Композитор Н.Г.Җиһановның Музей-фатиры һәм М. Җәлил музей-фатиры, социаль дистанцияне 1,5 м. үтәү мөмкинлеге булмау сәбәпле, вакытлыча килүчеләрне кабул итә алмый.

Эш графигы, экскурсия һәм мәдәни-белем бирү программасы, билет бәясе турында тулырак мәгълүматны телефон аша белергә мөмкин:

+7(8432)92-87-18, 292-00-55. Кызыксындырган сорауларга җавапны сайтта tatmuseum.ru табарга була.

Музейда очрашканчы!

---
Милли Музей
№ --- | 20.05.2020