Тәненең 98%ы пешкән килеш янгыннан чыга алган – бүген Казанда булган хәл (ФОТО)

Бүген төнге икедә Казанның Габишева урамында янгын килеп чыга. “8в” йорты буенча урнашкан бинаны ут чолгап ала. Кешеләр яши торган йорт булмый бу. Шулай да, ни сәбәпледер, анда 1964 елгы бер ир-ат булган булган. Ни гаҗәп, янгыннан ул үз аяклары белән чыга. Тәненең 98%ы пешкән булуга карамастан.

“Матбугат.ру” белешкәнчә, каты зыян күргән бу кешене “Ашыгыч ярдәм” машинасы белән РКБга җибәргәннәр. Шунысы да гаҗәп, “Ашыгыч ярдәм” машинасы әлеге янгынга чакыру буенча килмәгән, ә шушы урыннан очраклы рәвештә узып барган. Менә шундый гаҗәп хәлләр. Аллаһы Тәгалә саклаган бу кешене.

Шул җирдән фотолар:

_{МЧС фотолары}