"Балмай продакшн" продюсерлык үзәге заманча онлайн-курс тәкъдим итә

Замананың үз таләпләре. Бу тормышта башкалардан аерылып торыйм, дисәң, үз өстеңдә күп эшләргә, өйрәнергә, укырга кирәк. Шуның өчен, "Балмай" оешмасын булдыручылар, оста алып баручылар, режиссёрлар Рафил Галимуллин һәм Марсель Мәхмүтов үзләренең язылучыларына: "Актерлык һәм сөйләм осталыгын үстерү буенча онлайн-курслар бүгенге көндә актуальме, кирәкле әйберме?", - дигән сорау белән мөрәҗәгать итте.

Курс җиде дәрестә тора. Ул берничә ай буе дәвам итәчәк. Онлайн-курска ниләр керә? Кешеләр алдында куркуны ничек җиңү, инстаграмда үз-үзеңне дөрес тәкъдим итү, индивидуаль образны уйлап табу һәм күрсәтә белү серләре, инстаграм челтәре өчен сыйфатлы видео төшерү һәм монтажлау, үз-үзеңдә уңай һәм тискәре сыйфатларны ачыклау, социумда, җәмгыятьтә ничек аралашу, тавыш тембрын кабул итмәүне ничек үзгәртү. Күп темаларны үз эченә алал әлеге вебинар. Курсны тәҗрибәле белгечләр алып барачак, өй эшләре биреләчәк. Бу турыда оештыручылар шушы көннәрдә инстаграм челтәрендә узган туры эфир вакытында сөйләделәр.