“Шаян ТВ” каналы Нәүрүз белән котлады

Төрки халыкларның изге бәйрәме, яз килү, җирдә яңадан яшәеш башлану көнендә, кичә Казанда, кичке бишләр тирәсендә чын мәгънәсендә кыш белән язның көрәше булып алды кебек. Күперенгән каракучкыл болытлар арасыннан ялтырап кояш чыкты. Чалт итеп ялтырап торган кояш астында, шул арада күз ачкысыз, кыска вакытлы кар-буран котырып алды. Җылы, назлы яз җиңгәндер, шәт. Чөнки буран тиз басылды.

“21 март - яз фасылының көн белән төн тигезләшкән көне, Нәүрүз бәйрәме. Димәк, табигатьтә чынлап яз башлана. Нәүрүз ул - Яңа ел, яңа көн, дигәнне аңлата. Сезне шушы матур бәйрәмебез белән котлыйбыз! Урамда да, күңелләрдә дә кояш балкысын! Нәүрүз мөбарәк булсын!”, - дип котлый шаянлылар. 

Нәүрүз бәйрәме турында ничә шигырь, җыр беләсез? Белмәсәгез, “Шаян ТВ” балалар телеканалы сайтын ачып өйрәнә аласыз.