03.02.2020 Дин

Ильяс Халиковның концертына “Ленин бабай” да килә!

“Мөнбәр” татар-дини театры солисты Ильяс Халиков инстаграмында “Ленин бабай" турында видеоязма дөнья күрде. “Укырга, укырга, Коръән укырга!” дип өнди безне “Ленин бабай” булып киенгән “Мөнбәр” татар-дини театры артисты.

Владимир Ильич Ульяновның яшь чаклары узган Казан урамнары, белем алган университы янында төшерелгән видеоязманы карагач, тарихны яңартып алгандай хис кала. “Мөнбәр” артисты Ленин ролен ничек оста башкаруын өлкән буын аеруча да югары бәяләр.

“Матбугат.ру”да алдан хәбәр ителгәнчә, 17 апрельдә Ильяс Халиков һәм “Мөнбәр” татар-дини театрының Сәйдәш мәдәният үзәгендә “Мәдрәсә – белем чишмәсе” дип аталган концерты узачак. Казанда узачак концертында тамашачылар арасында Гомрә хаҗына юллама уйната!

Хаҗга юлламадан тыш, тагын Корбан сарыгына сертификат, шулай ук “Тантана” рестораныннан, “Амира” мөселман киемнәре кибетеннән һәм хиджама ясату өчен бүләк-сертификатлар каралган.

Булачак концерт уңаеннан, Ильяс Халиков Татарстан Республикасы мөфтие Камил хәзрәт Сәмигуллин белән дә киңәшләшкән. Мөфти хәзрәт җырчыга концерты һәм бүләкләре турында хуплау сүзләре ирештергән. 17 апрель көнне 19:30да Сәйдәш мәдәният үзәге бинасында (Ершова урамы, 57 А йорты).

Билетлар сатып алу буенча 879393652973 телефон номерына мөрәҗәгать итүегез сорала.

Посмотреть эту публикацию в Instagram

Концерт программабызның бу елгы өр-яңа "Мәдрәсә белем - чишмәсе" диеп исемләнүе белән бергә, "бәхетле билетка ГОМРӘ ХАҖЫ юлламасы"

---
MINBAR
№ --- | 03.02.2020