Бу атнага ЙОЛДЫЗНАМӘ

Кучкар (21.03 – 20.04) Ай буе көчегезне юкка-барга түктегезме? Хәзер инде боларның барысын да онытып, зур эшләргә әзерләнә башларга вакыт. Хафаланмагыз: алдыгызда бик әйбәт мөмкинлекләр ачылырга тора.

 

Үгезбозау (21.04 – 20.05) Һәр нәрсәдә гел уңай гына килеп торыр. Шуның нәтиҗәсендә төшегезгә дә кереп карамаган дәрәҗәдә үтә күп эшләрегезне башкарып куярсыз. Атнаның икенче яртысында шәхси тормышыгызда көтелмәгән бик матур сюрпризга исәп тота алырсыз.

 

Игезәкләр (21.05 – 21.06) Сәфәр чыгарга җыенасызмы? Ике дә уйламыйча – юлга! Үтә җиңел юл һәм уңышлы сәяхәт көтә сезне. Өендә генә утыручыларга да бик уңай атна: сөенечле яңалыклар атнасы!

 

Кысла (22.06 – 22.07) Матурдан-матур вакыйгалар чоры. Эшегезне оста һәм бик белеп башкаруыгызны җитәкчегез, ниһаять, бәяләр һәм хәтта премия дә язар. Керем чыганаклары моның белән генә дә бетмәс әле…

 

Арыслан (23.07 – 23.08) Аралашу-күрешүләр өчен төрледән-төрле сәбәпләр чыгып кына торыр. Инде күптәннән юлыгызда очрамаган танышларыгызга хәтле офыкта пәйда булыр. Тик артыгын сөйләп ташлаудан сак булыгыз – гайбәтчеләр теленә керүегез бар.

 

Кыз (24.08 – 22.09) Кыш уртасында алсу хыялларга төренеп утырудан файда юк – тормышка чынбарлык күзлектән карау кирәк. Акча мәсьәләсенең уңышлы хәл ителүенә куанып бетә алмассыз кебек.

 

Үлчәү (23.09 – 23.10) Тирәгездә планнарыгызны тормышка ашыруга комачаулардай адәмнәр пәйда булырга мөмкин. Шуңа күрә артыгын ачылып китеп, кирәкмәгәнне сөйләп ташлый күрмәгез. Атна ахырында финанс мәсьәләсендә яки карьера үсешендә күңелле сюрприз көтегез.

 

Чаян (24.10 – 22.11) Бернинди хатасыз эшли торган атна! Юкса вак-төяк кенә ялгышлыкның да кайтавазы би-и-к озакка барырга мөмкин. Аның каравы акча мәсьәләсендә кайгырасы юк: бурычны кайтару гына түгел, күңелегез төшкән кыйммәтле әйбер дә сатып алырга мөмкинсез.

 

Укчы (23.11 – 21.12) Булдыклылыгыгызга көнләшүчеләр барлыкка килер. Җитәкчегез игътибары да артыр. Атна дәвамында баш күтәрми эшләвегез түгәрәк кенә “сумма” белән төгәлләнер.

 

Кәҗәмөгез (22.12 – 20.01) Дүшәмбедән җомгага кадәр бик киеренке эш! Тик эшләрегезнең байтагы сезгә тамчы да файда китерми түгелме? Үзегезгә тиешлеләрен генә сайлап алыгыз әле! Шундук җиңеләеп китәчәксез.

 

Сукояр (21.01 – 19.02) Кул кушырып утырмыйсыз кебек анысы, әмма карьера баскычыннан күтәрелү өчен бүгенге тырышлыгыгыз гына җитми. Дөресрәге, сезгә кыюлык, фикерегезне ачык итеп әйтү җитенкерәми. Аның каравы гаиләгезгә борчыласы юк: татулыктан тыш, муллыкка да өметләнү өчен җирлек барлыкка киләчәк.

 

Балык (20.02 – 20.03) Белеп торыгыз: үзегезне кайгыртмыйча, башкаларның күңелен күрү чоры түгел. Бетеренмичә эшләп, күбрәк ял итү ягын карау кирәк сезгә хәзер. Атна ахырында, әйткән сүз кире кайтмый, кискән икмәк кире ябышмый, дигән мәкальне искә төшерергә туры килер.