01.01.2020 Шоу-бизнес

Илшат Яппаровтан Яңа ел бүләге: ӨР-ЯҢА ҖЫРГА КЛИП һәм киләчәккә планнар

Татар-башкорт эстрадасының популяр җырчысы Илшат Яппаров тамашачыларына Яңа ел бүләге ясап, яңа иҗат җимешен тәкъдим итте. Шушы көннәрдә артистның өр-яңа җырына клип премьерасы булды.

"Синсез үтә гомер" исемле җырның авторы Рәүфә Нурмөхәммәтова, аранжировканы Илдус Дәүләнов ясаган. Күп кенә тамашачылары әлеге клипны бик реаль һәм тормышчан дип югары бәя биргән.

"Халык шулай дип кабул итсә, мин моңа бары тик шат кына. Бу клипны караганда кемдер хатыннарны гаепли, кемдер ирләрне, ләкин безнең максат кемне дә булса гаеплләү түгел, - тормышны ничек бар шулай күрсәтү иде. Тормыш бит бу, язмыштан узып булмый. Халыкның күңеленә үтеп керердәй видео төшергән өчен клипның сюжет идеясен уйлап табучы оператор Стас Амбарцумовка һәм ярдәм иткән барча дусларыма рәхмәтлемен", - дип уртаклашты җырчы "Матбугат.ру" белән.

Шулай ук "Матбугат.ру" хәбәрчесе Илшат Яппаровтан киләчәккә планнары турында да сорашты. Артист Яңа елга концертлар һәм гастрольләр графигы белән бүлеште. Яңа ел бәйрәмнәрендә яңа көч туплап, җырчы якын киләчәктә сезне үзенең матурдан-матур җырлары белән сөендерергә әзер!

"Яңа елда тамашачыларымны яңа концертлар, яңа җырлар, яңа проектлар көтә. Ә иң мөһиме, бер ел элек Гүзәл Әхмәтова белән башлап җибәргән "Бәхет күпере" проектын дәвам итәргә булдык. Быел ул "Йөрәк" дип аталган яңа концертлар прогаммасы булачак. Башкортстан һәм Татарстанның районнары халкын яраткан җырларыбыз белән сөендерергә ниятлибез", - дип белдерде Илшат Яппаров.

Гыйнвар

10.01-г.Агидель

12.01-с.Куяново

13.01-г.Бирск

14.01-г.Благовещенск

15.01-Старобалтачево (Балтачевский район)

16.01-г.Янаул

17.01-г.Нефтекамск

19.01-г.Салават

20.01-г.Стерлитамак

21.01-г.Ишимбай

22.01-г.Мелеуз