Татарча җырлаучы әрмән егете Аршак Алтунян кая югалган? Үзе сөйли

 

− Мин Казаннан беркая да китмәдем. Концертлар оештыру белән шөгыльләндем. Әрмән җырчыларын чакырып, Россия буенча турлар оештырдык. Сәхнәдән китеп торуымның сәбәбе шул: моннан биш ел элек туйда җырлаганнан соң тавышым бетте. Минем бит фонограммага җырлаганым булмады. Шуннан соң миңа педагоглар җырламый торырга куштылар. Әзерләгән яңа программамны районнардагы тамашачыга күрсәтергә өлгермәдем, шул килеш калды. Хәзер тавышым акрынлап кире кайта башлады. Сәхнәдән китеп торган арада татар һәм әрмән телләрендә җырлар яздырдым. Тиздән сәхнәгә кире кайтырга җыенам, Алла бирса.

 

 

− Юк, киресенчә, әрмән туйларында минем татарча җырлавымны сорыйлар һәм үзләре бии дә башлыйлар. Тел белү − байлык бит ул. Минем татар дусларым да әрмәнчә аңлый. Теләк булса, телләрне өйрәнәсең. Минем максат: милләттәшләремне татар мәдәнияте белән таныштыру, ике халык арасында дуслык булдыру.

 

 

− Әйе, әгәр мин туган яктан Татарстанга күченеп кайтуга, Казанда яшәсәм, татарча өйрәнмәгән булыр идем. Мине Дөбъяз тәрбияләде. Әле дә хәтеремдә, 1нче сыйныфка укырга кергәндә бер сүз дә татарча аңламыйм. Кыш аенда, салкын кәннәрнең берсе иде. Мәктәптә бияләйләремне югалттым. Укытучыбыз Гөлнур Галимулловна янына килдем дә, аңлата алмыйм. Үзем елыйм, үзем кулларымны күрсәтәм. Рәхмәт аңа, ул мине аңлады. Гөлнур апа беркемнән дә аермады. Мәктәптә дә бөтен укытучылар яратты үземне, алар минем сәләтемне күрделәр. Авылда ачылган музыка мәктәбенең беренче укучысы мин булдым. Музыка яратучылар гаиләсендә үскәнгә, бәләкәй чактан ук җырладым. Кечкенәдән конкурсларда катнашып килдем. Хәтта Мәскәүгә кадәр бардым, Дөбъязны таныттым. Авылга әле дә чакырып торалар. Вакытым булганда кайтырга тырышам. Сыйныфташларым белән аралашып яшим.

 

 

− Мине танылган җырчылар Клара Хәйретдинова белән Шамил Әхмәтҗанов кебек остазларым укытты. Алар белән элемтәләрне өзмәдем. Кирәк чакта киңәш тә сорыйм. Аларның киңәшләре минем өчен бик кирәк. Шунысын да әйтим, 4нче курста “Татар моңы” конкурсында лауреат булдым.

 

 

− Соңгы вакытта эстрадада күп нәрсә үзгәрде. Хәзерге вакытта күбесе матур клиплар төшерә. Җырчылар күп булгач, көндәшләр дә күп. Әлбәттә, сәхнәдә җырларга лаек булмаганнар да йөри. Алар рус эстрадасында да, башка халыкларныкында да бар . Күбрәк моңлы, матур тавышлылар йөрсен иде сәхнәдә, чөнки татар халкында талантлар күп. Миңа халык җырларын үзгәртеп башкару ошамый. Аларда үткән тарих, тирән мәгънә бар. Классиканы үзгәртергә ярамый. Мөмкинлек бирсәләр, фонограммага җырлауны бөтенләй тыяр идем. Әрмәннәрдә ул яктан кануннар кырыс. Җырчылары фонограммага җырлаганнарын афишага язып куялар. Фонограммага җырлаучыларга мактаулы исемнәр бирмиләр.

 

− Илһам абый Шакировның җырлавын кечкенәдән яратып тыңладым. Кызганычка каршы мин Хәйдәр Бигичевны күрә алмадым. Аны үзем дә, әни дә, ике туган абыем да бик ярата иде. Музыканың теле юк бит. Бүгенге көндә Филүс Каһировны хөрмәт итәм. Кая гына бармасын, һәркайда Татарстанның йөзен күрсәтә.

 

 

− Миңа Реваль Хисмәтуллин дигән талантлы егетнең иҗаты ошый. Ул миңа язганда тавыш мөмкинлекләремне белеп яза. Һәр җырчы үз стилен табып җырларга тиеш. Шул вакытта гына үз тамашачыңны табасың.

 

− Үземнең яраткан кешемне табып, моннан ике ел элек никахлаштык. Ул − татар кызы, Гөлназ исемле. Ул оста биюче иде. Без өйләнешкәннән соң, сәхнәне ташлады. Улыбыз Артурга җиде ай. Ул 26 апрельдә, Тукай туган көнне дөньяга килде.

 

 

− Алар минем бәхетле булуымны теләде. Бер ел эчендә Гөлназ әрмән телен өйрәнде. Әрмән ашларын яратып пешерә.Туганнар аны бик ярата. Үз милләтеңдәге яратмаган кешегә өйләнеп, бер елдан соң аерылышканчы, үзең яраткан кешегә өйләнү хәерле минем өчен. Гаиләдә бер-береңнең туганнарын хөрмәт итеп яшәргә кирәк. Без бәйрәмнәрдә һәрвакыт бергә җыелабыз.Бу минем өчен зур шатлык.

 

− Үзе дә элек минем җырлавымны яратып тыңлаган. Мин аңа Гөлназ кебек “дәү әни” дип эндәшәм. Аның белән бәйрәмнәрдә табында җырлап утырабыз. Тавышы бик моңлы.

 

 

− Мин аннан-моннан эшләгәнне яратмыйм. Тамашачыга ошарлык, зәвыклы булсын, дип тырышам. Безне остазларыбыз шулай өйрәтте. Җырларымны яздырып бетергәч, кабат тамашачыга тәкъдим итәргә җыенам. Татар халык җырлары, онытылган классик җырлар әзерлим. Минем җырлавымны яратучылар онытмагандыр әле.