07.11.2019 Шоу-бизнес

3 млн сум! Андрей Малахов үзенең айлык хезмәт хакы турында сөйләде

“Дом-2” тапшыруының элеккеге алып баручысы һәм Россия президенты кәнәфиенә экс-кандидат Ксения Собчак хәзер “Осторожно, Собчак!” дигән видеоблог алып бара. Анда ул төрле танылган кешеләр белән интервьюлар эшли. Чираттагы кунагы Андрей Малахов иде.

Тапшыруда төрле хәлләр турында сөйләштеләр. Күп кенә серләр дә ачылды. Әйтик, Малахов сөйләвенчә, 1 каналда “Пусть говорят” тапшыруын алып барган чорда аның айлык хезмәт хакы 50 мең доллар булган. “Матбугат.ру” хәбәрчесе кесәсеннән калькулятор чыгарды. Бүгенге курс белән исәпләсәк, 3179500 сум килеп чыга. Хәзер Андрей Малахов “Россия 1” каналында эшли. Мондагы хезмәт хакы турында анык кына сүз әйтмәде. Мөгаен, 1 каналныкыннан ким түгелдер. Илдә хезмәт хаклары арта дип сөйлиләр бит.

1 каналдан китү хәлләрен дә ачып салды Малахов. Туй үпкәсез булмаган. Шоумен икенче каналга киткәч, элеккеге эш урынында аның портретын сызып атканнар. Малахов киткәндә Константин Эрнстка кулдан хат язган. Әмма 1 каналның башлыгы җавап бирмәгән.

Малахов Собчакка үзәк каналларда тыелган кешеләр һәм тыелган темалар турында да сөйләде. Әйтик, “зәңгәрләр” темасы. Малахов бу турыда тапшыруны бик теләп эшләр иде дә, әмма рөхсәт бирмиләр икән. Ни өчен Беслан фаҗигасе турында тапшыру эшләмәгәнен дә әйтте ул.

Тапшыруны тулысы белән моннан карый аласыз:

Фото: соцчелтәрләрдән

---
Матбугат.ру
№ --- | 07.11.2019