Уллары белән качкан ирне һаман эзлиләр: “Артем, ахмаклык кылма, зинһар. Балаларны кайтар”

Бүгенге көндә нәрсә билгеле?

 

26 октябрьдә ике малайның 34 яшьлек әнисе Эльмира Мазова полициягә 37 яшьлек ире Артем Мазовның һәм биш яшьлек Вячеслав һәм сигез яшьлек Ильяның югалуы турында гариза белән мөрәҗәгать иткән.

 

Башта уллары белән әтинең урамда йөрергә чыгып югалуы хакында хәбәр ителә. Тик соңрак ир белән хатынның әрләшүе турында мәгълүм була. Ире улларын машинага утырта һәм алар билгесез юнәлештә качып китә.

 

28 октябрьдә Уфаның Калинин районы буенча тикшерү бүлеге ир-ат һәм балаларның югалу факты буенча тикшерү оештыра. Аннан соң, хәбәрсез югалган кешеләрнең урнашу урынын билгеләүгә юнәлдерелгән төрле яклап тикшерү максатыннан, «ике һәм аннан күбрәк кешене, кече яшьтәге кешене үтерү» маддәсе буенча җинаять эше кузгатыла.

 

29 октябрьдә Уфаның Инорс микрорайонындагы эзләү-коткару отрядлары волонтерлары һәм полицейскийлар Артем Мазовның KIA Sorento автомобилен табуы турында мәгълүмат пәйда булды. Ул «Речные зори» шифаханәсе янында тукталган була. Аннары эзтабарлар Уфа елгасы буенда өреп кабартылган матрас табып алалар. Моннан тыш, берничә МАССАКҮЛӘМ мәгълүмат чараларында, хокук саклау органнарындагы чыганакка сылтама белән, ике бала әтисенең алдагы көнне шәһәр кибетләренең берсендә кием бауы сатып алуы, аның балалары бу вакытта машинада булуы турында мәгълүмат пәйда булган.

 

Шул ук вакытта, гаилә туганнары ир-ат бу гамәлне кыла алыр дип курка. Бу хакта хәбәрсез югалган 37 яшьлек Артем Мазовның әтисе белдергән.

 

Кичә ике бала анасы телевизор экраннары аша иренә мөрәҗәгать итә: “Артем, зинһар, кайт. Балалар белән исән кайт, – ди Эльмира Мазова «Вести» эфирында. – Бик борчылам, бик борчылам. Бәлки,аларны күргән,  яки кайда урнашуларын белә икән – зинһар, әйтегез, полициягә шалтыратыгыз. Артем, ахмаклык кылма, зинһар. Балаларны кайтар».

 

Моннан тыш, Эльмира  шулай ук ир-атның кайбер психик тайпылышлары булуы хакында әйтә.

Фото: http://www.bashinform.ru/