ШАЯН ТВ" балалар каналы хезмәткәрләре дөрес язу осталыгын тикшерде (ФОТО)

19нчы октябрь көнне татар халкы дөрес язу осталыгын тикшерде. Казан шәһәренең Яңа Савиново районыныда урнашкан 177нче лицее да "Татарча диктант" халыкара акциясенә кушылды. "ШАЯН ТВ" балалар каналы хезмәткәрләре дә мондый чаралардан читтә калмады.

Балаларга татар телен өйрәтүне, мәдәниятебезгә мәхәббәт, гореф-гадәтләргә карата кызыксыну тәрбияләүне максат итеп куйган канал хезмәткәрләре дә белемнәрен сынап карады.

Текстны" ШАЯН ТВ"ның башкарма директоры, баш мөхәррире, педагогика фәннәре кандидаты Сәхабетдинова Рамилә Әхмәтзакир кызы укыды.

«Укытучылар, укучылар, мәртәбәле артистлар, диктант язарга килгән әти-әниләр каршында диктант текстын уку – зур җаваплылык. Мондый акцияләр күбрәк булсын иде. Телебезне саклауда алар әһәмиятле роль уйный. Безгә күбрәк татарча укырга, язарга һәм, әлбәттә, «ШАЯН ТВ» каналын карарга кирәк», – диде Рамилә Сәхабетдинова.

Диктант язарга каналыбызның төп геройлары Шаян, Биби, башка алып баручылар, канал хезмәткәрләре белән берлектә, Тататрстан Дәүләт советы депутаты Алсу Нәбиева, Татарстаннның атказан артисты Алмаз Сабирҗанов, К.Тинчурин театры артисты Артем Пискунов та килгән иде.