“Сезнең гаиләдә хыянәт булып алган диләр”

 

Рафаэль:

– Сәнгать сәбәпче. Җиңүнең 40 еллыгына концерт куйдык, шунда бергәләп катнаштык, танышып киттек. Танышуыбыз мәхәббәткә әверелде. Динә ул вакытта Буа медицина училищесында укый иде. 

 

Рафаэль Латыйпов башта спорт, аннары журналистика факультетын тәмамлый. Журналист, тренер, мәктәптә физкультура укытучысы, спорт инструкторы, комсомол секретаре булып та эшли.

 

Динә 1985 елда Буа медицина училищесын бетергәч, читтән торып Казан дәүләт университетына укырга керә. Заманында район газетасында да эшли.

 

 

Динә:

– Әти яман шештән вафат булгач, әнине үз карамагыбызга алдык. Җәйләрен авылга кайтып торса, кышын – бездә. Балаларны үстереште. 27 ел инде ул безнең тәрбиядә. Рафаэльгә рәхмәт, каршы килмәде, әнигә авыр сүз әйткәне юк. Бик нык хөрмәт итә.

 

– Дүрт. 

 

 

Рафаэль:

– 1992 елда вафат булдылар. Мин – төпчек бала, әни мине 46 яшендә генә тапкан.

 

 

Динә:

– 18 яшендә чыкты. Мин үзем дә Рафаэльгә 18дә чыккан идем. Рафаэль яше утыргач, кызлар белән йөреп туйгач кына миңа өйләнде. Аның белән яшь аермабыз да шактый. Кызларыбызның икенчесе әтисенә охшаган, бик сайлана. “Кызым, син артык сайлана башладың бугай”, – дим. Акыл утырган саен таләпләре зурая. Андый, мондый, тегенди кирәк. Тормышка реаль кара, дип тә әйтәбез. Бер кызыбызның улы үсеп килә, Марат кияү белән матур гына яшәп яталар.

 

 

Динә:

– Бөтенләй сайлап тормады. Икесе дә Казанда университетта укыдылар. Ике ел очрашып йөрделәр дә, гаилә корып җибәрделәр. Ул вакытта кияү укып бетергән, кызыбыз өченче курста гына иде. Кода-кодагыйлар да бик акыллы кешеләр, балаларга да ярдәм иттеләр. Үз өйләре белән яшәп яталар, оныгыбыз Хәлилгә ике яшь. Кияү, кода-кодагыйлар банк системасында эшли, кызыбыз да шунда эшкә керде. Әлегә декрет ялында утыра. Икенче кызыбыз Бөтендөнья татар конгрессында эшли.

 

Җырчыларга 2012 елда “Татар-станның атказанган артисты” исемен биргәннәр.

 

 

Динә:

– Өйдә ир-ат хуҗа. Хатын-кыз мырлап йөрсә дә, ир-ат – ир-ат инде ул.

 

 

Рафаэль:

– Өйдә чакта Динә кухнядан чыкмый. Абыйлар, апалар, туганнар, дуслар килә, өй гөрләп тора. 

 

 

Динә:

– Булгандыр инде, дөнья бит. Дүрт аяклы ат та абына ди. Товарга сорау зур булгач, шәп товар булган, димәк. Безнең гаиләгә андый җилләр дә кагылып үтте. Узгынчы җилләр алар, хәзер барысы да Аллага шөкер.

 

 

Динә:

– Бәлки минем яктан зур хаталар булгандыр.

 

Динә:

– Кирәк хәтле игътибар булмагандыр. Бәлки ир-атны күбрәк бәрәңге кыздыртып кухняда тотарга кирәктер.

 

Рафаэль:

– Әйтә алмыйм. Һәрберебез ялгыша, адаша. Хатын-кызның сабырлыгы, киң күңеллелеге, аек акыл белән эш итүе гаиләне саклап калгандыр.

 

 

Динә:

– Юк. Мин кияүгә аерылам дип чыкмадым. Әти-әни дә таләпчән иде. Кияүгә киткәч кайту дигән уй башка да килергә тиеш түгел. Син – татар хатын-кызы – тормышка чыктыңмы, түзәргә тиеш. Аерылу уе булмады, бары тик тормышны саклап калу, балаларны әтиле итеп үстерү теләге белән генә яндым. Яшьлегемне, сафлыгымны аңа багышлап кияүгә чыкканмын икән, нигә әле мин үз ярымны башкалар белән бүлешергә тиеш? Бүлешмәдем.

 

 

Рафаэль:

– Кеше бер-берсеннән башка яши алмас дәрәҗәгә җитә. Бер-береңнең кирәклеген тою арта. Хатының ин кадерле кешегә әверелә, ансыз яшәүне күз алдына китереп булмый. 27 ел торабыз.

 

Динә:

– Беркайчан да зур сөйләргә ярамый. Әби мәрхүм: “Зур сөйләмә, кызым, зур сөйләгәнче зур телем икмәк кап”, – дия торган иде. Әти: “Үземнең тешемә дә ышанмыйм, телемне тешли”, – диядер иде. Дөнья бүген болай, иртәгә тегеләй, Алла сакласын!

 

Динә ханымга 2001 елда катлаулы операция була.

 

 

Динә:

– Бик нык терәк булды. Аталарча тәрбияләде. Ныклы ирләр характеры күрсәтеп, тормышка алып кереп китте.

 

 

Рафаэль:

– Сүз дә юк, җиңел түгел, көтелмәгән әйбер бит. Үземдә көч таптым. Әбигә дә бардык, догалар да укыттык, өшкерттек тә, табиблар да булышты, халык медицинасын да кулландык, Аллаһка да ялвардык. Андый чакта яныңдагы кешедән бик зур ярдәм кирәк. Бөтен көчем Динәне аякка бастыру булды.

 

 

Динә:

– Кызым, каенанаң белән дус, сердәш булырга тырыш, ул сиңа дөресрәк киңәш бирер дим. Үзем киңәш бирүгә караганда күбрәк кодагый белән аралаштырырга тырышам. Киявебез акыллы, проблемлар тудыра торган егет түгел. 

Автор: ГАБДЕРӘХИМ, әңгәмә "Акчарлак" газетасының архив саннарыннан алынды, 2 август 2012 № 31