Милли музей Роналд Макдоналд йортында хәйрия чарасында катнашты

Хәйрия эшендә катнашу Татарстан Республикасы Милли музее өчен күптән инде күркәм традициягә әверелде. Музей дәресләре, интерактив уеннар һәм квестлар, мавыктыргыч экскурсияләр, спектакльләр, концертлар – музей эшенең барлык жанрларының төрлелеге игелекле гамәлләр кылуга нигезләнгән.

25 июньдә «Музей калейдоскобы» программасы кысаларында музей хезмәткәрләре тарафыннан чираттагы хәйрия акциясе уздырылды. Бу юлы алар Роналд Макдоналд йортында кунакта булып кайтты,

Җыр һәм биюләр белән үрелеп барган кечкенә Сабантуй бәйрәме клиниканың кечкенә пациентлары өчен генә түгел, аларның ата-аналары һәм медицина персоналы өчен дә көннең төп вакыйгасы булды. Музей хезмәткәрләренең кызыклы хикәяләре тыңлаучыларга бәйрәмнең барлыкка килү тарихы, аның язгы кыр эшләре белән бәйле символик эчтәлеге белән танышырга мөмкинлек бирде.

Балалар һәм аларның ата — аналары авырулар, проблемалар һәм авырлыклар турында күпмедер мизгелгә генә булса да онытып торган бу көн, барысы да истә калырлык, чын мәгънәсендә кыйммәтле бүләк булды. Роналд Макдоналд йорты белән уңышлы эш алып барган һәм нәтиҗәле хезмәттәшлек иткән өчен ТР Милли музее хезмәткәрләре Рәхмәт хатлары белән бүләкләнде.