«МАТБУГАТ КҮПЕРЕ» – СЕЗНЕҢ КАЗАНДАГЫ ВӘКИЛЕГЕЗ

Казаннан читтә яшәүче милләттәшләребез игътибарына. «Матбугат.ру» сайты яңа хезмәтен башлап җибәрә. Аны «Матбугат күпере» дип атадык. Бу күпер татарлар башкаласы белән Сезнең араны якынайту өчен эшлиячәк. Сезгә яңа гына чыккан татар китабы яки компакт-диск кирәкме? Казандагы туганыгызга чәчәк тапшырып сюрприз ясыйсыгыз киләме? Әллә инде шәҗәрә ясату өчен Татарстаннан архив документы җитмиме? Безгә мөрәҗәгать итегез, ярдәм итәргә тырышырбыз.

«Матбугат күпере» ул интернет-кибет тә, курьер да, арадашчы да түгел. Ул Сезнең Казандагы вәкилегез. Әлбәттә, һәр нәрсәнең бәясе бар. Әмма хезмәттәшлекнең сыйфаты һәм алдаусыз булуы өчен «Матбугат.ру» үз репутациясе белән җавап бирә!  

Языгыз: matbugat@mail.ru
Шалтыратыгыз: +7 (432) 666-788

«Матбугат күпере», мәсәлән, мондый эшләрдә ярдәм итә ала:

ПОЧТА АША ӘЙБЕРЛӘР ҖИБӘРҮ:

Казанда чыккан китап, календарь яки башка басма;

Теге яки бу газета-журналның конкрет саны;

Татар дисклары, кассеталар;

Сувенир продукция: түбәтәй, курай, открытка, магнит...

Татар язулы кием-салым: футболка, бейсболка, итек...

Дини продукция: китап, яулык, шамаил, намазлык...

Спорт атрибутикасы: «Ак барс» шарфы, «Рубин» майкасы;

КАЗАНДА ХЕЗМӘТ КҮРСӘТҮ:

Татар тамадаларын табып бирү;

Җырчы һәм музыкантлар белән элемтә урнаштыру;

Танылган татарлардан Сезнең өчен автограф алу (автографның оригинальлеге фото белән дәлилләнә);

Казандагы адресатка бүләк, чәчәк, документ һ.б. әйбер тапшыру;

Архивлардан документ юллау;

Шәҗәрә төзетү;

Туган авылыгызга кайтып фото-, видеорепортаж эшләү һ.б.